Google ເພີ່ມບໍລິການເສິດ ປອດໄພດ້ວຍ SSL
ກູເກີ້ນ (Google) ປະກາດມື້ວານນີ້ວ່າ ທາງບໍລິສັດໄດ້ເລີ່ມຕົ້ນທົດລອງໃຫ້ບໍລິການ ເສິດເອັນຈິ້ນເວີລ໌ຊັນທີ່ມາພ້ອມກັບ ລະບົບຮັກສາຄວາມປອດໄພ SSL (Secure Sockets Layer) ໂດຍມັນຈະມີການເຂົ້າລະຫັດຂໍ້ມູນທີ່ສົ່ງໄປມາລະຫວ່າງຜູ້ໃຊ້ກັບບໍລິການ
ຜູ້ໃຊ້ສ່ວນໃຫຍ່ຈະຄຸ້ນເຄີຍກັບ SSL ເມື່ອຕ້ອງໃຊ້ບໍລິການທະນາຄານອອນໄລນ໌ ແລະເວັບໄຊຕ໌ອີຄອມເມິດຕ່າງໆ ໂດຍຂໍ້ສັງເກດວ່າມີການໃຊ້ງານນີ້ກໍຄື ໂພໂຕຄອນທີ່ໃຊ້ສື່ສານລະຫວ່າງຄອມພິວເຕີຂອງຜູ້ໃຊ້ກັບ ເຊິລ໌ຟເວີລ໌ໃນຊ່ອງ URL ຈະຂຶ້ນຕົ້ນດ້ວຍ “HTTPS” ແທນທີ່ຈະເປັນໂພໂຕຄອນມາດຕະຖານ HTTP ເຫດໃຫຍ່ໃຈຄວາມຫລັກຂອງການໃຊ້ SSL ເທິງເວັບໄຊຕ໌ຕ່າງໆ ກໍຄື ມັນຈະມີການເຂົ້າລະຫັດຂໍ້ມູນຂະນະທີ່ຜູ້ໃຊ້ກໍ່ການສົ່ງຂໍ້ມູນສ່ວນຕົວ ຫລືຕັ້ງພາດເວິລ໌ດຕ່າງໆ
Google ມີການໃຊ້ການເຂົ້າລະຫັດດ້ວຍ SSL ໃນ Gmail, Google Docs ແລະບໍລິການອື່ນໆ ມາກ່ອນໜ້ານີ້ແລ້ວ ແຕ່ບໍລິການຫລັກຢ່າງການຄົ້ນຫາຍັງບໍ່ໄດ້ມີການໃຊ້ ຜູ້ໃຊ້ສາມາດທົດລອງໃຊ້ບໍລິການ ເສິດປອດໄພດ້ວຍ SSL ໄດ້ຕັ້ງແຕ່ບັດນີ້ເປັນຕົ້ນໄປ ໂດຍເຂົ້າໄປທີ່ https://www.google.com ທັງ ນີ້ທາງກູເກີ້ນໄດ້ໃຫ້ລາຍລະອຽດເພິ່ມເຕິມສຳລັບບໍລິການນີ້ວ່າ “ເມື່ອຜູ້ໃຊ້ ເສິດດ້ວຍ https://www.google.com ການເຊື່ອມຕໍ່ລະຫວ່າງບຼາວເຊີລ໌ກັບກູເກີ້ນຈະໄດ້ຮັບການເຂົ້າລະຫັດ ຊ່ອງທາງການສື່ສານທີ່ປອດໄພຈະຊ່ວຍປ້ອງກັນຄຳຄົ້ນຫາຂອງຜູ້ໃຊ້ຕະຫລອດຈົນໜ້າຜົນລັບຈາກການແອບໂຈນລະກຳຂໍ້ມູນລະຫວ່າງທາງໂດຍຜູ້ບໍ່ຫວັງດີເທິງເນັດ ບໍລິການໃໝ່ນີ້ຈະມີການປັບແຕ່ງໂລໂກ້ເລັກນ້ອຍ ເພື່ອຊ່ວຍໃຫ້ຜູ້ໃຊ້ຮູ້ວ່າ ກຳລັງຄົ້ນຫາດ້ວຍການໃຊ້ SSL ຊຶ່ງຜູ້ໃຊ້ອາດໄດ້ຮັບປະສົບການໃນການໃຊ້ງານທີ່ແຕກຕ່າງຈາກເດີມເລັກນ້ອຍ ຢ່າງໃດກໍດີ ການກວດສອບວ່າ ເຈົ້າກຳລັງໃຊ້ງານໃນໂໝດປອດໄພຫລືບໍ່ກໍຄື ໃຫ້ສັງເກດທີ່ແອດແດຼດບາລ໌ຂອງບຼາວເຊີລ໌ວ່າຕ້ອງມີ ” https” ທີ່ເລີ່ມຕົ້ນຂອງ URL” ສຳລັບເຫດຜົນທີຍັງຕ້ອງມີຄຳວ່າ ” beta” ປາກົດຢູ່ນັ້ນ ເນື່ອງຈາກວ່າ ກູເກີ້ນໃຫ້ບໍລິການ SSL ກັບບໍລິການຫລັກຂອງການຄົ້ນເທົ່ານັ້ນ ຍັງບໍ່ຄອບຄຸມຜະລິດຕະພັນການຄົ້ນຫາອື່ນໆ ຢ່າງເຊັ່ນ Maps, News ແລະ Images ນອກຈາກນີ້ ທາງກູເກີ້ນຍັງບອກອີກດ້ວຍວ່າ ບໍລິການຄົ້ນຫາແບບປອດໄພດ້ວຍ SSL ອາດຈະຊ້າກວ່າປົກກະຕິເລັກນ້ອຍ ເນື່ອງຈາກມັນຕ້ອງຜ່ານກົນໄກການເຂົ້າລະຫັດດ້ວຍ
Credit:Arip.co.th