Microsoft Tag ແອບຯບາລ໌ໂຄ້ດເທິງ ມືຖື
ໄມໂຄຊໍຟົທ໌ ແທັກ (Microsoft Tag) ແອບພິເຄຊັນເທິງມືຖືສຳລັບໃຊ້ເທກໂນໂລຍີບາລ໌ໂຄ້ດສີ (ເອີ້ນວ່າ High Capacity Color Barcode ຫລື HCCB) ຂອງທາງໄມໂຄຊອຟົທ໌ ເວີລ໌ຊັນສົມບູນສຳເລັດຮຽບຮ້ອຍແລ້ວ ຜູ້ໃຊ້ທີ່ສົນໃຈສາມາດດາວນ໌ໂຫລດໄດ້ຟຣີ ໂດຍມີໃຫ້ເລືອກທັງເທິງ Android, iPhone, BlackBerry, Symbian, Windows Mobile ແລະ Palm OS ນອກຈາກນີ້ຍັງມີເວີລ໌ຊັນເທິງມືຖືຈາວາ J2ME ອີກດ້ວຍ (ແຕ່ຍັງເປັນເວີລ໌ຊັນທົດສອບ)
Microsoft Tag ຈະຊ່ວຍໃຫ້ຜູ້ໃຊ້ສາມາດເຂົ້າເຖິງລິງໄປຍັງເວັບໄຊ໌ ຫລືວິດີໂອເທິງມືຖືໄດ້ຢ່າງງ່າຍດາຍ ຫລືແມ່ນແຕ່ການເພີ່ມຂໍ້ມູນຕິດຕໍ່ເຂົ້າໄປໃນແອດເດດບຸ໊ກ ຕະຫລອດຈົນການສ້າງບາລ໌ໂຄ້ດສີ ຫລື Tag ຂອງຕົວເອງດ້ວຍໂປແກມ Tag Manager ຊຶ່ງແນວຄິດໃນການນຳໄປໃຊ້ງານກໍຈະຄ້າຍກັບ QR Code ທີ່ເຮົາຄຸ້ນເຄີຍກັນດີແລ້ວ ນັ້ນກໍຄື ການໃຊ້ແອບຯ ເທິງມືຖືທີ່ເຮັດວຽກຮ່ວມກັບກ້ອງເພື່ອຈັບພາບ Tags ແລ້ວຕີຄວາມອອກມາເປັນລິງໃນການເຂົ້າເຖິງຂໍ້ມູນຊະນິດຕ່າງໆ ນັ້ນເອງ
ໄມໂຄຊອຟົທ໌ກ່າວວ່າ ຕັ້ງແຕ່ Tag ເວີລ໌ຊັນທົດສອບໄດ້ເປີດຕົວເມື່ອ 18 ເດືອນທີ່ແລ້ວ ມີການພິມປ້າຍທີ່ໃຊ້ເທກໂນໂລຍີຂອງທາງໄມໂຄຊອຟົທ໌ອອກມາໃຊ້ງານກັນໂດຍຜູ້ໃຊ້ທົ່ວໄປ ແລະອົງກອນທຸລະກິດທົ່ວໂລກຫລາຍກວ່າ 1 ພັນລ້ານແທັກແລ້ວ ດັ່ງນັ້ນຈຶ່ງຖືໄດ້ວ່າ ເທກໂນໂລຍີ Microsoft Tag ກຳລັງໄດ້ຮັບຄວາມນິຍົມພໍສົມຄວນ ຂໍ້ດີຂອງເທກໂນໂລຍີນີ້ກໍຄື ລະບົບສາມາດອ່ານແລະຕີຄວາມຂໍ້ມູນໄດ້ໄວກວ່າບາລ໌ໂຄ້ດະແບບເກົ່າ ແຖມຍັງສາມາດເຮັດໃຫ້ມີຂະໜາດນ້ອຍລົງກວ່າເດີມໄດ້ອີກດ້ວຍ ຖ້າຫາກໃຜທີ່ສົນໃຈສາມາດດາວນ໌ໂຫລດແອບຯໄດ້ຈາກເວັບໄຊຕ໌ Microsoft Tag ຫລືເຂົ້າໂດຍກົງຜ່ານບຼາວເຊີລ໌ມືຖືຂອງທ່ານໄດ້ທີ່ http://gettag.mobi
Credit: Arip.co.th