Samsung ພັດທະນາຈໍ LCD ຕໍ່ຜ່ານ USB ຂະຫນາດ 18.5 ນິ້ວ
ລ່າສຸດ Samsung Electronics ໄດ້ພັດທະນາຈໍສະແດງຜົນ LCD ຂະໜາດ 18.5 ນິ້ວ ທີໃຊ້ພະລັງງານຕ່ຳຫລາຍພຽງແຕ່ 6.3 ວັດເທົ່ານັ້ນ ສາມາດເຊື່ອມຕໍ່ກັບພີຊີຜ່ານທາງພອລ໌ຕ USB 2.0 ໂດຍທາງບໍລິສັດໄດ້ນຳຕົ້ນແບບອອກໂຊໃນງານ SID 2010
“ເຮົາກຳລັງມີແຜນທີ່ຈະເລີ່ມຜະລິດຈໍແອນຊີດີລຸ້ນນີ້ສຳຫລັບເດດກ໌ທອບພີຊີໃນປີ 2011” ຊຳຊຸງ ກ່າວ ສຳລັບການເຮັດໃຫ້ຈໍ LCD ລຸ້ນດັ່ງກ່າວໃຊ້ພະລັງງານຕ່ຳລົງໄດ້ຫລາຍນັ້ນ ເປັນຜົນຈາກການພັດທະນາປະສິດທິພາບການເຮັດວຽກຂອງພິກເຊນ (pixel) ເທິງໜ້າຈໍ ແລະການສ່ອງສະຫວ່າງຂອງແສງແບກໄລທ໌ (back-light)
ຈໍ LCD ລຸ້ນນີ້ໃຊ້ແບກໄລທ໌ທີ່ ຕິດຕັ້ງບໍລິເວນຂອບຈໍເປັນຫລອດ LED ຊຶ່ງມີປະສິດທິພາບທີ່ເໜືອກວ່າທີໃຊ້ກັບຈໍ LCD ໃນປະຈຸບັນ ຢ່າງໃດກໍຕາມ ອາຍຸການໃຊ້ງານຂອງມັນຈະຢູ່ທີ່ 30,000 ຊົ່ວໂມງ ຊຶ່ງຈະມີອາຍຸສັ້ນກວ່າຫລອດ LED ທີໃຊ້ກັບຈໍ LCD ໃນປະຈຸບັນ 20,000 ຊົ່ວໂມງ ໃນສ່ວນຂອງຄວາມລະອຽດຢູ່ທີ່ 1,366 x 768 ພິກເຊນ ອັດຕາການສ່ອງສະຫວ່າງ 250 cd/m2 ສ່ວນContrast ປະມານ 1,000:1 ແລະສະເປັກທີ່ໜ້າສົນໃຈອີກປະການໜຶ່ງກໍຄື ຜູ້ໃຊ້ສາມາດເຊື່ອມຕໍ່ຈໍລຸ້ນນີ້ກັບພອລ໌ຕ USB ຂອງພີຊີໄດ້
Credit: Arip.co.th