2014 “ແທັບເລັດ” ຄອງໂລກຄອມພິວເຕີ ແທ້ຫລືບໍ່?
ຄວາມຮ້ອນແຮງຂອງໄອແພດ (iPad) ຈາກແອບເປີ້ນ (Apple) ບໍລິສັດວິໄຈຕະຫລາດໄອດີຊີ (IDC) ລາຍງານແນວໂນ້ມທີ່ໜ້າສົນໃຈວ່າ “ແທັບເລັດ” ຈະມີຍອດຈຳນວນຜູ້ໃຊ້ເພີ່ມຂຶ້ນເປັນ 6 ເທົ່າຫລື 46 ລ້ານເຄື່ອງ (ຈາກ 7.6 ລ້ານເຄື່ອງໃນປີນີ້) ພາຍໃນປີ 2014
ທາງບໍລິສັດຯ ຍັງຄາດອີກດ້ວຍວ່າ ໃນປີ 2014 ຈະມີຍອດການຈຳໜ່າຍຄອມພິວເຕີພົກພາທັງສິ້ນ 398 ລ້ານເຄື່ອງ ຊຶ່ງຫາກເປັນໄປຕາມຄາດການ ແທັບເລັດຈະມີສັດສ່ວນໃນຕະຫລາດເຖິງ 11% ຖືວ່າເປັນການເຕີບໂຕທີ່ໄວຫລາຍ ທັງນີ້ຜົນຈາກການທີ່ໄອແພດສາມາດສ້າງສະຖິຕິຂອງຍອດຈຳໜ່າຍທີ່ 1 ລ້ານເຄື່ອງພາຍໃນ 28 ມື້ ເຮັດໃຫ້ເຫລົ່າບັນດາຜູ້ຜະລິດພີຊີເລັງເຫັນອະນາຄົດຂອງຕະຫລາດແທັບເລັດ ຫລາຍໆເຈົ້າກໍເລີຍກະໂດດເຂົ້າມາໃນສະໜໍລະພູມນີ້ດ້ວຍ ຢ່າງເຊັ່ນທີ່ປະກາດຕົວເປັນລາຍທຳອິດ ເລີຍກໍຄື HP Slate ທີ່ໃຊ້ Windows 7 ຊຶ່ງປະຈຸບັນໄດ້ປ່ຽນຊື່ເປັນ Hurricane ແລະໃຊ້ WebOS ຂອງ Palm ແທນ
ຄວາມຕ້ອງການສຳລັບຄອມພິວເຕີ ຈະຂະຍັບໄປສູ່ຕະຫລາດອຸປະກອນເພື່ອຄວາມບັນເທີງ ຊຶ່ງແທັບເລັດໄດ້ເຂົ້າມາເປີດຕະຫລາດນີ້ຢ່າງຊັດເຈນ ໂດຍຫລັງຈາກທີ່ປົດພັນທະນາການໃນການມີຄີຍ໌ບອດ ຫລືເມົາສ໌ອອກໄປ ເຫລືອແຕ່ໜ້າຈໍສຳຜັດທີໃຊ້ງານງ່າຍ ພົກພາສະດວກ ສາມາດບໍລິໂພກມີເດຍຕ່າງໆ ແລະທ່ອງເນັດໄດ້ ຈາກການທີແນວໂນ້ມຄວາມຕ້ອງການໃນຜະລິດຕະພັນຕົວນີ້ພຸ່ງເປົ້າໄປທີ່ ຕະຫລາດຄອນຊູເມີລ໌ອິເລັກໂຕຼນິກ ເພື່ອຄວາມບັນເທີງໃນຖານະ Media Tablet ສ່ວນບຸກຄົນ ເຮັດໃຫ້ການເຕີບໂຕຂອງມັນມີໂອກາດທີ່ຈະພຸ່ງພວດພາຍໃນ 4 ປີຂ້າງໜ້າ ຈົນສາມາດສັ່ນຄອນບັນລັງຕະຫລາດຄອມພິວເຕີພົກພາ (ໂນດບຸ໊ກ, ເນັດບຸ໊ກ) ໃຫ້ສັ່ນສະເທືອນໄດ້
ຂະນະດຽວກັນ ລາຍງານວິໄຈຈາກຫລາໆ ແຫ່ງກໍສະໜັບສະໜູນແນວໂນ້ມນີ້ ໂດຍຕ່າງສະຫລຸບກົງກັນວ່າ ກະແສຄວາມຕ້ອງການໄອແພດຂອງຜູ້ບະຫລິໂພກແຂງແຮງເກີນຄາດ ຊຶ່ງລາຍງານວິໄຈຈາກ ChangeWave Research ທີ່ເປີດເຜີຍອອກມາລ່າສຸດລະບຸວ່າ ຜູ້ບະຫລິໂພກທີ່ຊື້ ເພາະຮູ້ສຶກ “ມັກໄອແພດຫລາຍ” ເພີ່ມຂຶ້ນເປັນ 7% (ທຽບກັບຜົນການສຳລວດເມື່ອເດືອນກຸມພາທີ່ມີຢູ່ 4%) ໃນຂະນະທີ່ “ຄ່ອນຂ້າງມັກ” ເພີ່ມຂຶ້ນເປັນ 13% ຈາກເດີມ 9%
[Update 21/05/2010] ສະຖິຕິຍອດຂາຍໄອແພດ ຫລາຍກວ່າ 200,000 ເຄື່ອງຕໍ່ອາທິດ ທຽບກັບແມັກ 110,000 ເຄື່ອງ ແລະໄອໂຟນ 240,000 ເຄື່ອງຕໍ່ອາທິດ ການເກີດຂອງໄອພອດ ແລະໄອໂຟນເຮັດໃຫ້ແມັກຂາຍໄດ້ຫລາຍຂຶ້ນ ແຕ່ໄອແພດຈະສົ່ງຜົນໃຫ້ຍອດຂາຍແມັກ ເຕີບໂຕຂຶ້ນໄປດ້ວຍຫລືບໍ່ ຕ້ອງຕິດຕາມກັນຕໍ່ໄປ ແຕ່ທີ່ແນ່ໆ ມັນຂາຍດີກວ່າແມັກເກືອບເທົ່າຕົວ
ຂໍ້ມູນ ຈາກ:Arip.co.th