ລ່າສຸດ ໃນງານ WWDC 2010 ສະຕີຟ ຈອບສ໌ (Steve Jobs) ໄດ້ປະກາດເປີດຕົວ iPhone 4G ໃນຖານະ mobile media ຢ່າງເປັນທາງການຮຽບຮ້ອຍແລ້ວ ໂດຍໄອໂຟນລຸ້ນໃໝ່ຈະມາພ້ອມກັບກ້ອງທີ່ມີຢູ່ດ້ານໜ້າ ໄວ້ສຳລັບປະຊຸມທາງໄກຜ່ານວິດີໂອດ້ວຍ ສ່ວນກ້ອງດ້ານຫລັງຈະມີຄວາມລະອຽດສູງເຖິງ 5 ລ້ານພິກເຊວ ພ້ອມດ້ວຍແຟຊ LED ແລະໃຊ້ໂພເຊດເຊີລ໌ A4 ແບບດຽວກັບທີໃຊ້ໃນໄອແພດ (iPad)

ຄວາມຈິງ ກ້ອງທີ່ມາກັບ iPhone 4G ບໍ່ໄດ້ມີຄວາມແຕກຕ່າງແຕ່ພຽງຈຳນວນພິກເຊວທີ່ຫລາຍຂຶ້ນຈາກ 3 ເປັນ 5 ລ້ານເທົ່ານັ້ນ ແຕ່ມັນຍັງມາພ້ອມກັບເຊັນເຊີລ໌ຮັບພາບທີ່ໃຫຍ່ຂຶ້ນດ້ວຍ ນັ້ນໝາຍຄວາມວ່າ ມັນສາມາດຮັບແສງໄດ້ຫລາຍກວ່າດ້ວຍຂະໜາດພິກເຊວທີ່ເທົ່າກັນ ດັ່ງນັ້ນຄຸນນະພາບຂອງພາບທີ່ໄດ້ຈະຄົມສັດສະຫວ່າງສົດໃສ ແລະສົມຈິງກວ່າເກົ່າ ແຖມຍັງສາມາດຊູມໄດ້ 5 ເທົ່າ ພ້ອມດ້ວຍຟີເຈີລ໌ແທັບເພື່ອໂຟກັດເໝືອນເດີມ ສຳລັບໜ້າຈໍຂອງ iPhone 4G ຈະມີຂະໜາດ 3.5 ນິ້ວ (960 x 640 ພິກເຊນ) ຫນ່ວຍຄວາມຈຳສູງສຸດ 32GB ແລະໄມຄ໌ 2 ຕົວພ້ອມລະບົບຕັດສັນຍານລົບກວນ

ນອກຈາກດີໄຊນ໌ໃໝ່ ແລະຄຸນນະພາບຂອງການຖ່າຍພາບທີ່ດີຂຶ້ນແລ້ວ ມັນຍັງສາມາດບັນທຶກວິດີໂອໄຮເດຟຯ ທີ່ 720p ດ້ວຍອັດຕາເຟມ 30 fps ອີກທັງຍັງສາມາດຕັດຕໍ່ວິດີໂອ ແລະພາບຖ່າຍໄດ້ໂດຍກົງເທິງ iPhone 4G ອີກດ້ວຍ ສະຕີຟ ຈອບສ໌ ຍັງເວົ້າເຖິງພະລັງປະມວນຜົນພາຍໃນຂອງ iPhone 4G ດ້ວຍ ຊຶ່ງໃຊ້ຊິບ A4 ຄືກັບໃນໄອແພດ ນັ້ນໝາຍຄວາມວ່າ ໄອໂຟນຈະມີລະບົບການຈັດການພະລັງງານທີ່ດີກວ່າສຳລັບຜູ້ໃຊ້ທີຕ້ອງການໃຊ້ງານໄດ້ຫລາຍ ຂຶ້ນ ໂດຍແບດເຕີລີ່ບໍ່ໝົດໄວເສຍກ່ອນ ແລະດ້ວຍດີໄຊນ໌ຕົວເຄື່ອງແບບໃໝ່ ເຮັດໃຫ້ພື້ນທີ່ພາຍໃນສາມາດໃສ່ແບດເຕີລີທີໃຫຍ່ຂຶ້ນກວ່າເກົ່າໄດ້ ຍິ່ງເຮັດໃຫ້ໃຊ້ iPhone 4G ໄດ້ດົນກວ່າໄອໂຟນລຸ້ນກ່ອນໆ ອີກຫລາຍຊົ່ວໂມງ ເຊັ່ນ ສາມາດໃຊ້ iPhone 4G ທ່ອງເວັບຜ່ານ Wi-Fi ໄດ້ດົນ 10 ຊົ່ວໂມງ ຟັງເພງຕໍ່ເນື່ອງໄດ້ 40 ຊົ່ວໂມງ ແລະສະແຕນດ໌ບາຍໄດ້ 300 ຊົ່ວໂມງ ສ່ວນລາຄາ iPhone 4G 16GB ຢູ່ທີ່ 199 ຫລຽນຯ ແລະ 32GB ຢູ່ທີ່ 299 ຫລຽນຯ (ແຕ່ລາຄານີ້ອາດຈະເປັນລາຄາທີ່ຕິດສັນຍາໃຊ້ເບີລາຍເດືອນສອງປີ)

Credit: gizmodo, Arip.co.th