“Video Call”ລະດັບໄຮເດຟຯມາແລ້ວ ຈາກ Logitech
ເມື່ອອາທິດທີ່ຜ່ານມາ ບໍລິສັດລໍຈິເທກ (Logitech) ໄດ້ປະກາດອັບເດດບໍລິການຮຽກສາຍລະບົບວິດີໂອ (video calling service) ທີເປີດໃຫ້ໃຊ້ຟຣີ ໂດຍໄດ້ມີການພັດທະນາໃຫ້ບໍລິການດັ່ງກ່າວ ສາມາດຮຽກສາຍຫາກັນຜ່ານວິດີໂອໃນລະດັບໄຮເດຟຯ (High-definition) ໄດ້ແລ້ວ
Logitec Vid HD ບໍລິການລ່າສຸດທີ່ລໍຈິເທກເປີດໃຫ້ຜູ້ໃຊ້ສາມາດໃຊ້ບໍລິການຮຽກສາຍຜ່ານລະບົບວິດີໂອ ທີ່ຄວາມລະອຽດ 720p ດ້ວຍເວັບແຄມໄຮເດຟຯ (HD webcam) ຊຶ່ງພ້ອມກັນນີ້ທາງບໍລິສັດຍັງໄດ້ປະກາດປິດຕົວເວັບແຄມໄຮເດຟຯລຸ້ນໃໝ່ ໄປດ້ວຍພ້ອມກັນ ໂດຍເວັບແຄມໄຮເດຟຯ ທີ່ອອກມາຈະມີລຸ້ນແລະລາຄາໃຫ້ເລືອກຕັ້ງແຕ່ 40 – 100 ຫລຽນຯ ແຖມຍັງເປີດເຜີຍຂໍ້ມູນກ່ຽວກັບ Google TV ທີ່ສາມາດໃຫ້ບໍລິການວິດີໂອຄອລ໌ລະດັບໄຮເດຟຯ ເທິງ HDTV ຂອງຜູ້ໃຊ້ອີກດ້ວຍ
ຊອຟົຕ໌ແວລ໌ Logitech Vid HD ສາມາດດາວນໂຫລດຟຣີໄດ້ທີ່ www.logitech.com/vid ສຳລັບ ຜູ້ທີ່ຕ້ອງການໃຊ້ບໍລິການວິດີໂອຄອລ໌ແບບໄຮເດຟຯຈະຕ້ອງໃຊ້ຄອມພິວເຕີທີ່ມີໃຊ້ ຊີພີຍູ Core 2 Duo ຄວາມໄວຂັ້ນຕ່ຳ 2.4GHz ລະບົບປະຕິບັດການ Windows OS (xp/Vista/7) ຫລື Mac OS (10.4 ຂຶ້ນໄປ) ເວັບແຄມໄຮເດຟຯ ຂອງທ່ານໃດກໍໄດ້ (ແຕ່ລໍຈິເທກຈະເວີກທີ່ສຸດ) ແລະອິນເຕີເນັດທີ່ຄວາມໄວຢ່າງນ້ອຍ 1Mbit/s ທັງອັບໂຫລດ ແລະດາວນໂຫລດ ໃນສ່ວນຂອງເວັບແຄມໄຮເດຟຯ ທາງລໍຈິເທກມີຕົວເລືອກທີ່ໜ້າສົນໃຈດ້ວຍຄື Logitech HD Pro Webcam C910 ທີ່ສາມາດຈັບພາພວິດີໂອໄຮເດຟຯໄດ້ສູງສຸດເຖິງ 1080p (ເຖິງວ່າບໍລິການວິດີໂອຄອລ໌ຈະຈຳກັດໄວ້ທີ 720p) ໂດຍເລນສ໌ທີໃຊ້ເປັນ Carl Zeiss ມາພ້ອມກັບໄມຄ໌ 2 ຕົວ ເພື່ອໃຫ້ລະບົບສຽງສະເຕລິໂອ (ພ້ອມລະບົບຕັດສຽງລົບກວນ) ສະໜົນລາຄາຢູ່ທີ່ 99.99 ຫລຽນຯ ສ່ວນລຸ້ນອື່ນໆ ກໍຈະມີຄຸນສົມບັດການເຮັດວຽກແລະລາຄາລຸດຫລັ່ນລົງໄປ ໂດຍທຸກລຸ້ນຈະວາງຕະຫລາດໃນຊ່ວງປາຍເດືອນນີ້
ລໍຈິເທກຍັງໄດ້ ເປີດເຜີຍຂໍ້ມູນກຽວກັບ Google TV ທີ່ຈະອອກມາໃນໄວໆ ນີ້ດ້ວຍ ໂດຍຮຽກມັນວ່າ Logitech Companion Box (ບໍ່ແມ່ນຊື່ຮຽກຢ່າງເປັນທາງການ) ຊຶ່ງຜູ້ໃຊ້ພຽງແຕ່ຕໍ່ມັນເຂົ້າກັບເນັດ ແລະ HDTV ພຽງເທົ່ານີ້ກໍສາມາດສືບຄົ້ນຄອນເທັນຕ໌ຕ່າງໆ ຈາກໂທລະທັດ ແລະເວັບຜ່ານຍູດເຊີລ໌ອິນເຕີລ໌ເຟຊທີ່ອອກແບບໂດຍກູເກີ້ນໄດ້ທັນທີ ບ໊ອກດັ່ງກ່າວຈະເຮັດວຽກລ່ວມກັບເວັບແຄມ HD ເຫລົ່ານີ້ດ້ວຍ ເຮັດໃຫ້ຜູ້ໃຊ້ສາມາດໃຊ້ບໍລິການວິດີໂອຄອລ໌ຜ່ານທາງ HDTV ໄດ້
ຂໍ້ມູນ ຈາກ: pcmag, Arip.co.th