Scareware ແພ່ລະບາດພີຊີນັບລ້ານເຄື່ອງ
ຍັງຄົງຕ້ອງເຕືອນຜູ້ໃຊ້ກັນອີກເທື່ອ ເພາະມື້ນີ້ໄພຄຸກຄາມຜູ້ໃຊ້ເທິງອິນເຕີເນັດທີ່ເອີ້ນວ່າ Scareware ທີ່ມັກເຮັດຕົວຫວັງດີມາແຈ້ງວ່າ ເຄື່ອງຄອມພິວເຕີຂອງທ່ານມີໄວຣັສ (virus) ກ່ອນທີ່ຈະແນະນຳໃຫ້ທ່ານຕິດຕັ້ງຕົວມັນເຂົ້າໄປໃນເຄື່ອງ ໂດຍສະເພາະຊອຟົຕ໌ແວລ໌ທີ່ໃຊ້ຊື່ວ່າ Anti-Virus 2010 ແລະ Windows Police ອີກທັງຍັງໃຊ້ພາບທີ່ເບິ່ງຄ້າຍລະບົບຮັກສາຄວາມປອດໄພຂອງ Vista ຂອງໄມໂຄຊອຟົທ໌
Scareware ມັກຈະໃຊ້ວິທີປ໊ອບອັບ ໂດຍພວກມັນອ້າງວ່າກວດພົບໄວຣັສໃນເຄື່ອງຂອງເຈົ້າ ແຕ່ຄວາມຈິງມັນນັ້ນລະຄືໄວຣັສ ຫລືມັນແວລ໌ຕົວຮ້າຍ ຊຶ່ງຜູ້ໃຊ້ຫາກໍ່ຈະຍິນດີຕ້ອນຮັບມັນເຂົ້າໄປໃນເຄື່ອງຫລັງ ຈາກຄິກໃຫ້ມັນຊ່ວຍຈັດການໃຫ້ ຜູ້ຊ່ຽວຊານກ່າວວ່າ Scareware ແຝງອັນຕະລາຍທີ່ຮ້າຍແຮງສອງປະການນຳກັນຄື ການທີ່ຜູ້ໃຊ້ຫລົງເຊື່ອໃຫ້ຂໍ້ມູນບັດເຄດິດ ເພື່ອໃຫ້ມັນຊ່ວຍກຳຈັດໄວລັດ ໃນຂະນະດຽວກັນ ມັນຈະດາວໂຫລດເພື່ອນໆ ຕົວຮ້າຍຂອງມັນເຂົ້າມາໃນເຄື່ອງຂອງເຈົ້າອີກດ້ວຍ ຊຶ່ງນອກຈາກຈະຖືກລັກຂໍ້ມູນບັດເດບິດໄປແລ້ວ ເຄື່ອງຄອມພິວເຕີຍັງຖືກປ່ວນດ້ວຍມັນແວລ໌ຕ່າງໆ ທີ່ດາວໂຫລດເຂົ້າມາໃນເຄື່ອງອີກດ້ວຍ
ສະຖິຕິໃນຊ່ວງເຄິ່ງປີທີ່ຜ່ານມາ Scareware ແພ່ລະບາດຢ່າງໜັກ ໂດຍໄມໂຄຊອຟົທ໌ກ່າວວ່າ Malicious Software Removal Tool ຂອງທາງບໍລິສັດໄດ້ທຳຄວາມສະອາດພີຊີທີ່ຖືກ Scareware ຫລິ້ນງານແລ້ວບໍ່ຕ່ຳກວ່າ 8 ລ້ານເຄື່ອງ ຢ່າງໃດກໍຕາມ ມັນຍັງບໍ່ມີວິທີກວດຈັບພວກມັນໄດ້ 100% ຄຳແນະນຳທີ່ດີທີ່ສຸດຄື ຄວນຕິດຕັ້ງຊອຟົຕ໌ແວລ໌ແອນຕີ້ໄວຣັສໄວ້ໃນເຄື່ອງຄອມພິວເຕີຂອງທ່ານຈະດີກວ່າ ເພາະຫາກປ໊ອບອັບທີ່ໂຜ່ຂຶ້ນມາບໍ່ແມ່ນແອນຕີ້ໄວລັດທີ່ເຈົ້າຕິດຕັ້ງເຂົ້າໄປ ກໍບໍ່ຄວນຈະຄິກຍອມຮັບມັນ (ຫລືບໍລິເວນໃດໆ ເທິງໄດອະລັອກບ໊ອກທີ່ປ໊ອບອັບຂຶ້ນມາ) ແລະບໍ່ມີບໍລິການຂອງແອນຕີ້ໄວລັດຕົວໃດທີ່ ໃຊ້ວິທີນີ້ ເພື່ອຮຽກຮ້ອງຄ່າບໍລິການນັບ 100 ຫລຽນຯ ຈາກຜູ້ໃຊ້ ຈັງໃດກໍກັນໄວ້ດີກວ່າແກ້ ແລະຢ່າເຊື່ອພວກມັນໂດຍງ່າຍ
ຂໍ້ມູນ ຈາກ: wspa, Arip.co.th