Win 7 ຍອດຂາຍທະລຸ 150 ລ້ານກັອບປີ້!!!
ບໍ່ແມ່ນວ່າ ໄອແພດ (iPad) ຂອງແອບເປີ້ນ (Apple) ຈະຂາຍໄດ້ໄວຈົນທະລຸ 3 ລ້ານເຄື່ອງພາຍໃນ 80 ມື້ ຫລືຄິດເປັນ 2 ວິນາທີຕໍ່ເຄື່ອງເທົ່ານັ້ນ ລ່າສຸດໄມໂຄຊອຟົທ໌ (Microsoft) ຂໍໂຊວ໌ພາວນຳດ້ວຍສະຖິຕິ ຍອດຂາຍ Windows 7 ສະຫລຽວ ນາທີລະ 7 ກັອບປີ້ ແລະຫາກນັບຍອດຂາຍຕັ້ງແຕ່ເປີດຕົວເມື່ອຕຸລາປີທີ່ແລ້ວ ເຖິງຕອນນີ້ທະລຸ 150 ລ້ານກັອບປີ້ໄປຮຽບຮ້ອຍແລ້ວ
“ເຮົາຮູ້ສຶກຕື່ນເຕັ້ນເຫລືອເກີນທີ່ຈະປະກາດວ່າ ເຖິງມື້ນີ້ Windows 7 ມີຍອດຈຳໜ່າຍໄປແລ້ວ 150 ລ້ານໄລເຊນສ໌ແລ້ວ” ຂໍ້ຄວາມທີ່ໂພດຕ໌ໃນບລັອກ Windows ຂອງໄມໂຄຊໍຟົທ໌ “ປະມານ 75% ຂອງທຸລະກິດກຳລັງພິຈາລະນາ Windows 7 ສຳລັບອົງກອນຂອງພວກພວກເຂົາ ແລະແນ່ນອນຜູ້ໃຊ້ທົ່ວໄປກໍຍັງຄົງຕື່ນເຕັ້ນກັບຄຸນສົມບັດການເຮັດວຽກ ແລະປະໂຫຍດທີ່ໄດ້ຮັບຈາກ Windows 7 ຂະນະດຽວກັນ ເຮົາຍັງໄດ້ຮັບການສະໜັບສະໜູນຈາກບໍລິສັດຜູ້ຜະລິດພີຊີໃນການເລືອກ Windows 7ໃຫ້ກັບຜູ້ໃຊ້” ໄມໂຄຊອຟົທ໌ຍັງກ່າວຢ້ຳອີກ-ວ່າ Windows 7 ເປັນລະບົບປະຕິບັດການທີ່ມີຍອດຈຳໜ່າຍໄວທີ່ສຸດໃນປະຫວັດສາດຂອງທາງບໍລິສັດ
ກ່ອນໜ້ານີ້ໄມໂຄຊອຟົທ໌ໄດ້ປະກາດ ວ່າ ທາງບໍລິສັດໄດ້ຈຳໜ່າຍ Windows 7 ໄປແລ້ວ 90 ລ້ານກັອບປີ້ໃນເດືອນມີນາ ແລະອັບເດດຍອດຂາຍທີ່ 100 ລ້ານໃນວັນທີ່ 23 ເດືອນເມສາ ຊຶ່ງຈາກຕົວເລກລ່າສຸດທີ່ເປີດເຜີຍອອກມາ ສະແດງວ່າ ໄມໂຄຊອຟົທ໌ສາມາດຂາຍ Windows 7 ໄດ້ເຖິງ 50 ລ້ານກັອບປີ້ພາຍໃນ 2 ເດືອນ (ຕົກເດືອນລະ 25 ລ້ານກັອບປີ້) ຫາກແນວໂນ້ມຍັງຄົງດຳເນີນເຊັ່ນນີ້ໄປເລື່ອຍໆ ໄມໂຄຊອຟົທ໌ຈະຂາຍ Windows 7 ໄດ້ຢ່າງນ້ອຍ 300 ລ້ານໄລເຊັນສ໌ ເມື່ອເຖິງສິ້ນປີ 2010 ນັບເປັນຕົວເລກທີ່ບໍ່ທຳມະດາເລີຍສຳລັບຍຸກສະໄໝທີ່ເກີດໄອເດຍຜະລິດຕະພັນໃໝ່ໆ ຫລວງຫລາຍຫລັງຈາກພີຊີ (post-PC)
ນອກຈາກນີ້ ໄມໂຄຊອຟົທ໌ຍັງໄດ້ປະກາດວ່າ ບລາວເຊີລ໌ IE9 Platfrom Preview 3 ກຳລັງຈະອອກມາໃນໄວໆນີ້ດ້ວຍ ແລະໃນມື້ນີ້ ທາງບໍລິສັດຈະອອກ Windows Live Essenstial ເວີລ໌ຊັນທົດສອບທີ່ເຜີຍແຜ່ໃຫ້ໃຊ້ກັນໄດ້ໂດຍທົ່ວໄປ ຊຶ່ງເປັນເວີລ໌ຊັນທີ່ໄດ້ຮັບການພັດທະນາໃຫ້ມີການເຮັດວຽກຮ່ວມກັບ Windows 7, Vista ໄດ້ໃນຮູບແບບກັບ Windows Live Mail, Windows Live Movie Maker, Windows Live Messenger ແລະ ອື່ນໆ
ຊໍ້ມູນຈາກ: techie-buzz, Arip