iPhone 4 ຮ້ອນຈົນສາຍ USB ເປື່ອຍ
ແມ່ນຈະມີຂ່າວທີ່ບໍ່ດີປານໃດອອກມາຫລວງຫລາຍກ່ຽວກັບ iPhone 4 ແຕ່ກະແສຄວາມຕ້ອງການກັບສວນທາງຈົນແທບຜະລິດບໍ່ທັນຢູ່ໃນຂະນະນີ້ ລ່າສຸດແຫລ່ງຂ່າວຈາກ AT&T ໄດ້ເປີດເຜີຍພາບຖ່າຍສົດໆ ຮ້ອນໆ ຂອງ iPhone 4 ທີ່ລູກຄ້ານຳມາທີ່ຮ້ານ ເພື່ອໃຫ້ຊ່ວຍຊ້ອມແປງ ຊຶ່ງເບິ່ງຈາກຮູບກໍເຫັນຊັດເຈນວ່າ ມັນຄົງແປງບໍ່ໄດ້ ເນື່ອງຈາກພອລ໌ຕທີ່ຢູ່ດ້ານລຸມຂອງຕົວເຄື່ອງຮ້ອນຈົນສາຍຍູເອດບີ (USB) ເປື່ອຍຂະໜາດນັ້ນ
ນິ້ເປັນເທື່ອທຳອິດແລະຂໍໃຫ້ເປັນເທື່ອສຸດທ້າຍສຳລັບ iPhone 4 ທີມີການພົບວ່າ ມັນຮ້ອນຈົນໄໝ້ໃນຂະນະທີ່ເຊື່ອມຕໍ່ກັບຄອມພິວເຕີດ້ວຍສາຍເຄເບີ້ນ USB ຂອງແອບເປີ້ນ (Apple) ທີມານຳກັນກັບອຸປະກອນ ທາງລູກຄ້າຕ້ອງການປ່ຽນ iPhone ເຄື່ອງໃໝ່ ແຕ່ທາງ AT&T ບໍ່ສາມາດຈັດການໃຫ້ໄດ້ ເນື່ອງຈາກມັນໝົດໄປຈາກສະຕັອກໄປແລ້ວ…
ຢ່າງໃດກໍຕາມ ທາງ Apple Store ຢືນຢັນກັບ AT&T ວ່າ ເຫດການທີ່ເກິດຂື້ນໜ້າຈະເປັນຜົນມາຈາກພອລ໌ຕ USB ມີບັນຫາ ບໍ່ໄດ້ເກີດຈາກຄວາມຜິດພາດຂອງຜູ້ໃຊ້ ແຫລ່ງຂ່າວເປີດເຜີຍວ່າ ຂະນະເກີດເຫດ iPhone 4 ຈະມີຄວາມຮ້ອນເກີດຂຶ້ນຫລາຍ ແລະຖືກມືລູກຄ້າທີ່ເປັນເຈົ້າຂອງດ້ວຍເລັກນ້ອຍ ພອລ໌ຕ USB ໃນ iPhone 4 ເປຶ່ອຍເລັກນ້ອຍ ແຕ່ຕົວສາຍທີ່ເຊື່ອມຕໍ່ຢູ່ຈະໄດ້ຮັບຄວາມເສຍຫາຍຄ່ອນຂ້າງຮຸນແຮງ ຊ່ວງນີ້ຈອບສ໌ຄືຈະປວດຫົວຫລວງຫລາຍ
ຂໍ້ມູນຈາກ: Boy Genius Report, Arip