ຂ່າວດ່ວນ! MS ຈະເຊົາຊັບພອລ໌ຕ Windows XP SP2
ລາຍງານຂ່າວລ່າສຸດ ຖ້າທ່ານຍັງເປັນຜູ້ໜຶ່ງທີ່ໃຊ້ຄອມພິວເຕີທີ່ເຮັດວຽກດ້ວຍລະບົບປະຕິບັດການ Windows XP SP2 (Service Pack 2) ເຈົ້າມີເວລາເຖິງວັນທີ່ 13 ກໍລະກົດນີ້ເທົ່ານັ້ນທີ່ເຈົ້າຈະຕ້ອງອັບເກດໂອເອດແລ້ວ ເພາະຫລັງຈາກມື້ດັ່ງກ່າວໄມໂຄຊອຟົທ໌ (Microsoft) ຈະເຊົາຊັບພອລ໌ຕ ຫລືເວົ້າດ້ວຍພາສາທີ່ເຂົ້າໃຈໄດ້ງ່າຍຂຶ້ນກໍຄື ຈະບໍ່ມີການອອກອັບເດດອຸດຊ່ອງໂຫວ່ໃດໆ ສຳລັບ Windows XP SP2 ໃຫ້ອີກຕໍ່ໄປ
ໄມໂຄຊອຟົທ໌ປະກາດເຊົາຊັບພອລ໌ຕລະບົບປະຕິບັດການ Windows XP SP2 ແລະ Windows 2000 ໂດຍຈະບໍ່ອອກອັບເດດໃດໆ ໃຫ້ກັບໂອເອດສອງຕົວນີ້ອີກຕໍ່ໄປ ຊຶ່ງນັ້ນໝາຍຄວາມວ່າ ຫາກມີການພົບຊ່ອງໂຫວ່ໃດໆ ຫລັງຈາກວັນທີ່ 13 ກໍລະກົດນີ້ ຜູ້ໃຊ້ຈະຕ້ອງຮັບຜິດຊອບຕົວເອງ Wilson Xavier ຜູ້ບໍລິຫານກຸ່ມທຸລະກິດ Windows Client ຂອງໄມໂຄຊອຟົທ໌ກ່າວວ່າ “ຜູ້ຂຽນມັນແວລ໌ຍັງຄົງບໍ່ຢຸດທີ່ຈະຕັ້ງເປົ້າໂຈມຕີລະບົບປະຕິບັດການ Windows XP ຊຶ່ງໄມໂຄຊອຟົທ໌ກຳລັງຈະເຊົາອັບເດດໄດລເວີລ໌ ຕະຫລອດຈົນອຸດຊ່ອງໂຫວ່ຕ່າງໆ ແລ້ວ (ປົກກະຕິຈະອອກອັບເດດໃຫ້ທຸກໆ ມື້ອັງຄານທີ່ສອງຂອງເດືອນ) ດັ່ງນັ້ນຜູ້ໃຊ້ອາດຈະສ່ຽງຕໍ່ການໂດນໂຈມຕີຈາກຜູ້ບໍ່ ຫວັງດີເຫລົ່ານີ້ຫລາຍຂຶ້ນ”
“ພີຊີທີ່ຕິດໄວລັດໃນອົງກອນຈະຖືກ ຕັ້ງຄ່າການເຮັດວຽກໂດຍເຫລົ່າໄວຮ້າຍໄຊເບີລ໌ດ້ວຍມັນແວລ໌ທີ່ຖືກສົ່ງຜ່ານເຂົ້າໄປໃນ ເຄືອຂ່າຍ ຫລືໃນຮູບຂອງບອດເນັດທີ່ຢູ່ໃນພີຊີທີ່ຕິດໄວລັດເຄື່ອງອື່ນໆ ເພື່ອໃຊ້ໃນການສົ່ງສະແປມ ລັກຂໍ້ມູນ ຕະຫລອດຈົນສົກບັນຊີຜູ້ໃຊ້ທະນາຄາອອນໄລນ໌” Wilson ກ່າວ Windows XP ໄດ້ຊື່ວ່າເປັນໂອເອດທີ່ແຂງແຮງ ແລະປອດໄພ ອີກທັງຍັງມີສ່ວນແບ່ງຕະຫລາດທົ່ວໂລກສູງເຖິງ 63% ຕາມດ້ວຍ Vista 21% ແລະ Windows 7 ອີກ 9.4% ຢ່າງໃດກໍດີ Wilson ແນະນຳວິທີທີ່ງ່າຍ ແລະໄວທີ່ສຸດກໍຄື ອັບເກດເປັນ Service Pack 3 ຫລືບໍ່ກໍປຽນໄປໃຊ້ Windows 7 ແຕ່ການອັບເກດເປັນ Windows XP SP3 ແທ້ໆ ບໍ່ແມ່ນເລື່ອງງ່າຍເລີຍ ເນື່ອງຈາກມັນບໍ່ສາມາດອັບເກດຈາກ XP ຜູ້ໃຊ້ຈະຕ້ອງລົງໃໝ່ ການຍ້າຍໄປ Windows 7 ຕ້ອງຈ່າຍເງີນເພີ່ມ ໃນຂະນະທີ່ປ່ຽນໄປໃຊ້ SP3 ຈະບໍ່ມີຄ່າໃຊ້ຈ່າຍໃດໆ ທັງສິ້ນ ຢ່າງໃດກໍຕາມ ເບິ່ງຄືກັບວ່າຜູ້ໃຊ້ XP ຈະບໍ່ມີທາງເລືອກ ເພາະຫາກບໍ່ອັບເກດໄປໃຊ້ SP3 ຫລື Windows 7 ກໍບໍ່ປອດໄພແນ່ນອນ ສຸດທ້າຍຕ້ອງບໍ່ລືມວ່າ ໄມໂຄຊອຟົທ໌ຈະສີ້ນສຸດການສະໜັບສະໜູນ Windows XP ໂດຍສົມບູນໃນວັນທີ່ 8 ເມສາ 2014