Android OS ຈະມີຍອດຜູ້ໃຊ້ຫລາຍກວ່າ iOS ຂອງ Apple ໃນປີ 2012
ລ່າສຸດບໍລິສັດວິໄຈຕະຫລາດ iSuppli Corp ເປີດເຜີຍມາບໍດົນນີ້ວ່າ Android OS ຈະມີຍອດຜູ້ໃຊ້ຫລາຍກວ່າ iOS ຂອງ Apple ໃນປີ 2012
ຈາກລາຍງານວິໄຈລະບຸວ່າ ລະບົບປະຕິບັດການ Android ຈະຖືກໃຊ້ໃນສະມາດໂຟນຫລາຍກວ່າ 75 ລ້ານເຄື່ອງໃນປີ 2012 ເພີ່ມຂຶ້ນຈາກ 5 ລ້ານເຄື່ອງໃນປີ 2009 ໃນຂະນະທີ່ iOS ມີປະມານ 62 ລ້ານເຄື່ອງໃນປີດຽວກັນ ໂດຍເພີ່ມຂຶ້ນຈາກ 25 ລ້ານໃນປີ 2009 ທັງນີ້ຄິດເປັນເປີລ໌ເຊັນສ່ວນແບ່ງຕະຫລາດຂອງ Android ຈະຂະຫຍັບຂຶ້ນໄປທີ່ 19.4% ຈາກ 2.7% ໃນປີ 2009 ສ່ວນ iOS ຂອງ Apple ຈະເພີ່ມຂຶ້ນເປັນ 15.9% ໃນປີ 2012 ຈາກ 13.8% ໃນປີ 2009
ເຫດຜົນມາຈາກການທີ່ Android ເປັນລະບົບປະຕິບັດການແບບເປີດ ຊຶ່ງຖືກນຳໄປໃຊ້ກັບສະມາດໂຟນຈາກຫລາຍຜູ້ຜະລິດ (Motorola, HTC, Samsung, Sony Ericsson, LG, Huawei, AsusTek ແລະ ZTE) ລວມ ເຖິງອຸປະກອນຢ່າງເຊັ່ນ ແທັບເລັດຄອມພິວເຕີ ແລະອີລີດເດີລ໌ ໃນຂະນະທີ່ iOS ຂອງ Apple ຈະຖືກໃຊ້ໃນ iPhone, iPad ແລະ iPod Touch ເທົ່ານັ້ນ ” Android ກຳລັງຈະຂຶ້ນແທ່ນໂອເອດເທິງມືຖືອັນດັບໜຶ່ງຂອງຕະຫລາດ” Tna Teng ນັກວິເຄາະຜະແນກສື່ສານຂາດສາຍຈາກ iSuppli ກ່າວ “iOS ຂອງ Apple ເປັນລະບົບປິດເຮັດໃຫ້ການເຕີບໂຕຂອງຈຳນວນສະມາດໂຟນທີ່ໃຊ້ iOS ຖືກຈຳກັດດ້ວຍທາງບໍລິສັດເອງ”
ປລ: ສຳຫລັງຄວາມຄິດຂອງຂ້າພະເຈົ້າເອງ, ຖ້າປຽບເປັນແບຼນຕໍ່ແບຼນ ຍັງບໍ່ມີໃຜສາມາກໂຄ່ນ Apple ໄດ້ຢ່າງແນ່ນອນ