Google ບອກລາ Google Wave ຍ້ອນໄປບໍ່ລອດ
ລາຍງານຂ່າວລ່າສຸດ Google ປະກາດອອກມາເປັນທາງການແລ້ວວ່າ ທາງບໍລິສັດຈະຍຸດຕິການພັດທະນາ Google Wave ແພດຟອລ໌ມທີໃຫ້ບໍລິການເຄື່ອງມືທີ່ຊ່ວຍໃຫ້ການປະສານງານຮ່ວມກັນໄດ້ (collaboration) ແບບ Real Time ແລ້ວເນື່ອງຈາກມີຈຳນວນຜູ້ໃຊ້ຫນ້ອຍເກີນໄປ
ສຳລັບຜູ້ທີ່ມີໂອກາດໃຊ້ Google Wave ໃນໄລຍະທຳອິດ ຕ່າງເວົ້າເປັນສຽງດຽວກັນວ່າ ມັນເປັນບໍລິການທີ່ມີນວດກຳສຸດຍອດ ແຕ່ຫລັງຈາກທີ່ເປີດໃຫ້ຜູ້ໃຊ້ທົ່ວໄປໄດ້ມີໂອກາດໃຊ້ນຳ ພາບຂອງ Wave ກໍຊັດເຈນຂຶ້ນນັ້ນກໍຄື ມັນເປັນຜະລິດຕະພັນທີ່ສ້າງໂດຍວິສະວະກອນແລະສຳລັບວິສະວະກອນໃຊ້ຫລາຍກວ່າບຸກຄົນທົ່ວໄປ
Google ຍອມຮັບວ່າ ຄວາມພະຍາຍາມໃນການທີ່ຈະເຮັດໃຫ້ Google Wave ມີລະບົບການສື່ສານທີ່ແຕກຕ່າງຫລາກຫລາຍດ້ວຍການຮ່ວມເຄື່ອງມືເຂົ້າໄປຫລວງຫລາຍ ເພື່ອໃຫ້ຜູ້ໃຊ້ສາມາດເຮັດວຽກຮ່ວມກັນໄດ້ຢ່າງບໍມີຂໍ້ຈຳກັດ ມັນກາຍເປັນວ່າ ຜະລິດຕະພັນດັ່ງກ່າວຊັບຊ້ອນເກີນໄປສຳລັບຜູ້ໃຊ້ສ່ວນໃຫຍ່ ຢ່າງໃດກໍຕາມ Google ຈະຍັງຄົງເກັບໂຄ້ດ ແລະເວັບໄຊຕ໌ wave.google.com ໄວ້ຈົນເຖິງທ້າຍປີນີ້…