ຂ່າວລື່ iPad Mini, iPhone 5 ກຳລັງຈະມາພ້ອມກັບ iPod Shuffle
ລາຍງານຂ່າວລ່າສຸດ ເວັບໄຊຕ໌ iLoung ໂພສຕ໌ເລື່ອງລາວທີ່ໜ້າສົນໃຈກ່ຽວກັບຂໍ້ມູນທີ່ຫລຸດອອກມາກ່ຽວກັບ iPod, iPhone 5 ແລະ iPad Mini ຊຶ່ງແມ່ນແຫລ່ງຂ່າວ ຫລື ຫລັກຖານທີ່ໄດ້ມີຄວາມໜ້າເຊື່ອຖືຫລາຍ ແຕ່ມັນຍັງບໍ່ສົມບູນ ໂດຍຈະມີປະເດັນຫຍັງທີ່ໜ້າຕື່ນເຕັ້ນນຳມາເບິງນຳກັນເລີຍ
ປະເດັນທຳອິດທີ່ຫລຸດຮົ່ວອອກມາກໍຄື Apple ຕຽມອອກ iPod ອີກ 3 ລຸ້ນໃໝ່ ຊຶ່ງລວມເຖິງ iPod Nano, iPod Touch ແລະ iPod Shuffle ໂດຍສຳລັບ Shuffle ມີຂ່າວລືອອກມາກ່ອນໜ້ານີ້ວ່າ ມັນຈະມາພ້ອມກັບໜ້າຈໍສຳຜັດຂະໜາດນ້ອຍ 1.7″ ຢ່າງໃດກໍຕາມ ແຫລ່ງຂ່າວບໍ່ໄດ້ຢືນຢັນຊັດເຈນວ່າ ໃນສ່ວນຂອງ iPod Touch ລຸ້ນໃໝ່ຈະມາພ້ອມກັບກ້ອງດ້ານໜ້າດ້ວຍຫລືບໍ່?
ສ່ວນ ປະເດັນທີ່ສອງຈະເປັນຂ່າວລືກ່ຽວກັບ iPad Mini ຫລື iPad ລຸ້ນທີ່ມີຂະໜາດນ້ອຍກວ່າລຸ້ນທຳອິດ ໂດຍມີໜ້າຈໍ 7 ນິ້ວ ທັງນີ້ທາງເວັບໄຊຕ໌ iLounge ກ່າວວ່າ iPad Mini ຈະປະກາດເປີດຕົວຊ່ວງປາຍປີນີ້ ຫລືຢ່າງຊ້າຕົ້ນປີ 2011 ທັງນີ້ທາງ Apple ໄດ້ເຮັດເຄື່ອງຕົ້ນແບບໄວ້ດົນແລ້ວ ຊຶ່ງອາດຈະກ່ອນ iPhone ລຸ້ນທຳອິດອີກຊ້ຳ. ໂດຍຈະວ່າໄປແລ້ວ iPad Mini ນອກຈາກຈະນ້ອຍລົງພົກພາສະດວກແລ້ວ ລາຄາຂອງມັນໜ້າຈະຖືກກວ່າດ້ວຍ ຢ່າງໃດກໍຕາມ ຫາກຂ່າວນີ້ເປັນຈິງ ມັນອາດຈະສົ່ງຜົນກະທົບຕໍ່ຍອດຂາຍຂອງ iPad ທີ່ກຳລັງພຸ່ງພວດໃນປະຈຸບັນກໍ່ເປັນໄດ້
ປະເດັນ ທີ່ສາມ ເນື່ອງຈາກບັນຫາເສົາອາກາດ Apple ອາດຈະຕ້ອງຮີບອອກ iPhone 5 ໄວກວ່າເກົ່າ (ຄາດວ່າອາດຈະເປັນຊ່ວງຕົ້ນປີ 2011) ແຕ່ຂ່າວລືນີ້ໜ້າຈະມີຄວາມເປັນໄປໄດ້ບໍ່ຫນ້ອຍ ເນື່ອງຈາກ iPhone 4 ຍັງຄົງແຮງດີບໍ່ມີຕົກ ເຖິງວ່າຈະຖືກກະໜ່ຳດ້ວຍຂ່າວຮ້າຍຫລວງຫລາຍ ລ່າສຸດຜົນສຳລວດ 75% ຂອງຜູ້ໃຊ້ iPhone 4 ຮູ້ສຶກພໍໃຈຫລາຍ
ສຳລັບຂ່າວລືສຸດທ້າຍຕໍ່ ເນື່ອງຈາກປະເດັນສຸດທ້າຍ ນັ້ນກໍຄື Apple ກຳລັງພັດທະນາ Bumper ຊອງກັນກະແທກທີ່ເຮັດຈາກຊິລິໂຄນໃຫ້ມີລາຄາຖືກລົງ ເພື່ອໃຫ້ກັບຜູ້ໃຊ້ iPhone 4 ຮະຮະ ເວົ້າມາແລ້ວເຮັດໄດ້ທຸກຢ່າງເນາະ ສາສະດາ ຈ໊ອບສ