Adobe ໂຊເຄື່ອງມືແປງ Flash ໃຫ້ກາຍເປັນ HTML 5
ລາຍງານຂ່າວລ່າສຸດ ໃນງານ Adobe Max conference ທີ່ຜ່ານມາ Adobe ກໍ່ໄດ້ມີການໂຊເຄື່ອງມືທີ່ແປງ ຮູບເຄື່ອນໄຫວທີ່ເປັນ Flash ໃຫ້ກາຍເປັນ HTML5 ໄດ້ ເຊິງເຄື່ອງມືດັ່ງກ່າວຍັງຢູ່ໃນລະຫວ່າງການພັດທະນາ ແຕ່ສັງເກດໃນວິດີໂອ ທ້າຍບົດຄວາມນີ້ແລ້ວຖືວ່າສຳເລັດໄປຫລາຍແລ້ວ ເຊິງຄວາມສາມາດທີ່ Adobe ໄດ້ໂຊນັ້ນມັນເຮັດໃຫ້ ຫລາຍຄົນໃນງານ ຕະລຶງ ໃນຄວາມສາມາດຂອງມັນ, ຄວາມສາມາດເດັ່ນໆຂອງມັນກະຄືຄວາມໄວໃນປ່ຽນ Flash ໃຫ້ເປັນ HTML5.
ນອກຈາກນີ້ Adobe ຍັງຕຽມພ້ອມປັກອິນໄວ້ສຳຫລັບ Illustrator CS5 ແລະ Dreamweaver CS5 ແລະຍັງມີເຄື່ອງມີ Export ໃນ Illustrator CS5 ສຳຫລັບ HTML5 ແລະ JavaScript. ເຄື່ອງມືແປງ Flash ໃຫ້ເປັນ HTML5 ຍັງສາມາດນຳໂຄ໊ດທີ່ແປງມາໄປໃສ່ໃນໜ້າເວັບຕ່າງໆ ເພື່ອສະແດງ. ທີ່ເຮົາມັກທີ່ສຸດກະຄືໂຄ໊ດ HTML5 ທີ່ໄດ້ມາຈາກການແປງນັ້ນຈະຍັງຄົງສະພາບການເຮັດວຽກຂອງ Flash ໄວ້ ຈົນແຍກບໍ່ອອກ. ຈັງໃດກໍ່ລອງເບິ່ງວິດີໂອ ສາທິດທາງລຸ່ມນີ້ໄດ້.
ທີ່ມາ: Mashable