ຫລາຍໆຄົນອາດຈະຄຸ້ນເຄີຍ​ຫລືໄດ້ຍິນ​ຄຳວ່າ facebook ທີ່ເປັນ social network ທີ່​ໄດ້ຮັບ​ຄວາມ​ນິຍົມຫລາຍ​ອີກ​ແຫ່ງ​ໜຶ່ງ​ໃນ​ໂລກ ເຊື່ອກັນວ່າຄົນທີ່ເຂົ່າມາອ່ານເວັບຂອງພວກເຮົາຕ້ອງບໍ່ມີໃຜບໍ່ຮູ້ຈັກ facebook ຢ່າງແນ່ນອນ. ແຕ່ມື້ນີ້ພວກເຮົາໄດ້ນຳບົດຄວາມກ່ຽວກັບປະຫວັດຫລືຄວາມເປັນມາຂອງ facebook ໃຫ້ທຸກຄົນໄດ້ອ່ານກັນ.

facebook ໄດ້ເປີດໂຕເມື່ອ​ວັນທີ່ 4 ກຸມພາ 2004 ໂດຍ Mark Zuckerburg ເຊິ່ງທຳອິດ​ນັ້ນ ກໍ່ເປີດ​ໃຫ້​ເຂົ້າ​ໃຊ້​ສະເພາະ​ນັກ​ສຶກ​ສາ​ຂອງ​ມະຫາ​ວິທະຍາ​ໄລ​ຮາລ໌​ເ​ວິລ໌​ດ(Harvard University) ເທົ່າ​ນັ້ນ ແລະ​ເວັບ​ນີ້​ກໍ​ດັ່ງ​ຂຶ້ນ​ມາ​ໃນ​ຊົ່ວ​ພິບ​ຕາ ເພາະ​​ພຽງແຕ່​ເປີດ​ຕົວ​ໄດ້​ສອງ​ອາທິດ ​ນັກ​ສຶກ​ສາເກືອບເຄິ່ງ​ທີ່​ຮຽນ​ຢູ່​ທີ່​ມະຫາ​ວິທະຍາ​ໄລ​ຮາລ໌​ເວິລ໌​ດ(Harvard University) ກໍ​ສະໝັກ​ເປັນ​ສະມາຊິກ facebook ເພື່ອ​ເຂົ້າ​ໃຊ້​ງານ​ກັນ​ຢ່າງ​ທະລົ່ມທະລາຍ ແລະ​ເມື່ອ​ຮູ້​ຂ່າວ​ນີ້ ມະຫາ​ວິທະຍາ​ໄລ​ອື່ນໆ ໃນ​ເຂດ​ບອດ​ຕັ້ນ​ກໍ​ເລີ່ມ​ມີ​ຄວາມ​ຕ້ອງ​ການ ແລະ​ຢາກ​ຂໍ​ເຂົ້າ​ໃຊ້​ງານ facebook ເຊັ່ນກັນ Mark Zuckerburg ຈຶ່ງ​ໄດ້​ຊວນ​ຫມູ່​ສອງຄົນ​ທີ່​ຊື່ Dustin Moskowitz ແລະ Christ Hughes ເພື່ອ​ຊ່ວຍ​ກັນ​ສ້າງ facebook ແລະ​ພຽງ​ລະ​ຍະ​ເວລາ 4 ເດືອນ​ຫລັງ​ຈາກ​ນັ້ນ facebook ຈຶ່ງ​ໄດ້​ເພີ່ມ​ລາຍ​ຊື່​ແລະ​ສະມາຊິກ​ຂອງ​ມະຫາ​ວິທະຍາ​ໄລ​ອີກ 30 ກວ່າ​ແຫ່ງ

ໄອ​ເດຍ​ທຳອິດ​ໃນ​ການ​ຕັ້ງຊື່ facebook ນັ້ນ​ມາ​ຈາກ​ໂຮງຮຽນ​ເກົ່າ​ໃນ​ລະ​ດັບ​ມັດ​ຍົມ​ປາຍ​ຂອງ​ Mark Zuckerburg ໂດຍ​ທີ່​ໂຮງຮຽນ​ນີ້ ຈະ​ມີ​ຫນັງສື​ຢູ່​ໜຶ່ງ​ເລ່ມ​ທີ່​ຊື່​ວ່າ The Exeter Face Book ຊຶ່ງ​ຈະ​ສົ່ງ​ຕໍ່​ໆ ກັນ​ໄປ​ໃຫ້​ນັກ​ຮຽນ​ຄົນ​ອື່ນໆ ໄດ້​ຮູ້​ຈັກ​ເພື່ອນໆ ໃນ​ຫ້ອງ​ຮຽນ ຊຶ່ງ face book ນີ້​ແທ້ຈິງແລ້ວ​ກໍ​ເປັນ​ຫນັງສື​ເລ່ມ​ໜຶ່ງ​ເທົ່າ​ນັ້ນ ຈົນ​ມື້ຫນຶ່ງ Mark Zuckerburg ໄດ້​ປ່ຽນ​ແປງ​ແລະ​ນຳ​ມັນ​ເຂົ້າ​ສູ່​ໂລກ​ຂອງ​ອິນ​ເຕີລ໌​ເນັດ

ເມື່ອ​ປະ​ສົບ​ຄວາມ​ສຳ​ເລັດ​ຂະໜາດ​ນີ້ແລ້ວ ທັງ​ Mark Zuckerburg, Dustin Moskowitz ແລະ Christ Hughes ໄດ້​ຍ້າຍ​ອອກ​ໄປ​ທີ່ Palo Alto ໃນ​ຊ່ວງ​ລະດູ​ຮ້ອນ​ແລະ​ໄປ​ຂໍ​ແບ່ງ​ເຊົ່າ​ຫ້ອງແຖວແຫ່ງ​ໜຶ່ງ ຫລັງ​ຈາກ​ນັ້ນ​ສອງ​ອາທິດ Mark Zuckerburg ໄດ້​ເຂົ້າໄປ​ລົມກັບ ຊອນ ປາລ໌​ຄເກີລ໌ (Sean Parker) ໜຶ່ງ​ໃນ​ຜູ້​ຮ່ວມ​ກໍ່​ຕັ້ງ Napster ຈາກ​ນັ້ນ​ບໍ່ດົນ Sean Parker ກໍ​ຍ້າຍ​ເຂົ້າ​ມາ​ຮ່ວມ​ເຮັດວຽກ​ກັບ​ Mark Zuckerburg ໃນ​ຫ້ອງແຖວໂດຍ​ Sean Parker ໄດ້​ຊ່ວຍ​ແນະ​ນຳ​ໃຫ້​ຮູ້​ຈັກ​ກັບ​ນັກ​ລົງ​ທຶນ​ລາຍ​ທຳອິດ ຊຶ່ງ​ກໍ​ຄື ປີ​ເຕີລ໌ ທີນ (Peter Thiel) ໜຶ່ງ​ໃນ​ຜູ້​ຮ່ວມ​ກໍ່​ຕັ້ງ Paypal ແລະ​ຜູ້​ບໍລິຫານ​ຂອງ The Founders Fund ໂດຍ Peter Thiel ໄດ້​ລົງ​ທຶນ​ໃນ facebook ເປັນ​ຈຳນວນ​ເງີນ 500,000 ຫລຽນຯ

ດ້ວຍ​ຈຳນວນ​ສະມາຊິກ​ຫລາຍ​ລ້ານ​ຄົນ ເຮັດໃຫ້​ບໍລິສັດ​ຫລາຍ​ແຫ່ງ​ສົນ​ໃຈ​ໃນ​ຕົວ facebook ໂດຍ friendster ພະຍາຍາມ​ທີ່​ຈະ​ຂໍ​ຊື້ facebook ເປັນ​ເງີນ 10 ລ້ານ​ ຫລຽນຯ ໃນ​ກາງ​ປີ 2004 ແຕ່ facebook ປະ​ຕິ​ເສດ​ຂໍ້​ສະເໜີ​ໄປ ແລະ​ໄດ້ຮັບ​ເງີນ​ທຶນ​ເພິ່ມເຕິມ​ຈາກ Accel Partners ເປັນ​ຈຳນວນ​ອີກ 12.4 ລ້ານ​ ຫລຽນຯ ໃນ​ຕອນ​ນັ້ນ facebook ມີ​ມູນ​ຄ່າ​ຈາກ​ການ​ປະ​ເມີນ​ຢູ່​ທີ່​ປະ​ມານ 100 ລ້ານ​ຫລຽນຯ

facebook ຍັງ​ເຕີບໂຕ​ຕໍ່ໄປ ຈົນ​ເຖິງ​ເດືອນ​ກັນຍາ​ປີ 2005 ກໍ​ໄດ້​ເປີດ​ໃນ​ໂຮງຮຽນ​ລະ​ດັບ​ມັດ​ຍົມ​ປາຍ ເຂົ້າ​ຮ່ວມ​ໃຊ້​ງານ​ໄດ້ ແລະ​ໃນ​ເດືອນ​ຕໍ່​ມາ facebook ໄດ້​ເພີ່ມ​ຟັງຄ໌​ຊັ່ນ​ໃໝ່ ໂດຍ​ສາມາດ​ໃຫ້​ສະມາຊິກ ເອົາ​ຮູບພາບ​ມາ​ແບ່ງ​ປັນໃຫ້ຫມູ່ເພື່ອນໄດ້ຊົມ​ກັນ​ໄດ້ ຊຶ່ງ​​ຟັງຄ໌​ຊັ່ນ​ນີ້​ໄດ້ຮັບ​ຄວາມ​ນິຍົມ​ຢ່າງ​ຫລາຍ ໃນ​ລະດູໃບໄມ້ປົ່ງ facebook ກໍ່ໄດ້ຮັບ​ເງີນ​ຈາກ​ການ​ລົງ​ທຶນ​ເພີ່ມ​ອີກ​ຂອງ Greylock Partners, Meritech Capital ພ້ອມ​ກັບ​ນັກ​ລົງ​ທຶນ​ຊຸດ​ທຳອິດ​ຄື Accel Partners ແລະ Peter Thiel ເປັນ​ຈຳນວນ​ເງີນ​ເຖິງ 25 ລ້ານ ຫລຽນຯ ໂດຍ​ມູນ​ຄ່າ​ການ​ປະ​ເມີນ​ໃນ​ຕອນ​ນັ້ນ​ເປັນທີ່ 525 ລ້ານ​ຫລຽນຯ ຫລັງ​ຈາກ​ນັ້ນ facebook ໄດ້​ເປີດ​ໃຫ້​ອົງ​ກອນ​ທຸລະກິດ​ຫລື​ບໍລິສັດ​ຕ່າງໆ ໃຫ້​ສາມາດ​ເຂົ້າ​ໃຊ້​ງານ facebook ແລະ​ສ້າງ network ຕ່າງໆ ໄດ້ ຊຶ່ງ​ໃນ​ທີ່ສຸດ​ອົງກອນທຸລະກິດ​ກວ່າ 20,000 ແຫ່ງ​ໄດ້​ເຂົ້າ​ມາ​ໃຊ້​ງານ ແລະ​ສຸດ​ທ້າຍ​ໃນ​ປີ 2007 facebook ກໍ​ໄດ້​ເປີດ​ໃຫ້​ທຸກ​ຄົົນທີ່​ມີ​ອີ​ເມລ໌ ໄດ້​ເຂົ້າ​ໃຊ້​ງານ ຊຶ່ງ​ເປັນ​ຍຸກ​ທີ່​ຄົນ​ທົ່ວ​ໄປ ບໍ່​ວ່າ​ເປັນ​ໃຜ​ກໍ​ສາມາດ​ເຂົ້າໄປ​ໃຊ້​ງານ facebook ໄດ້​ພຽງ​ແຕ່ມີ​ມີ Email ​​ເທົ່າ​ນັ້ນ

ໃນ​ຊ່ວງ​ລະດູ​ຮ້ອນ​ປີ 2007 ເວລານັ້ນ Yahoo ພະຍາຍາມ​ທີ່​ຈະ​ຂໍ​ຊື້ facebook ດ້ວຍ​ວົງ​ເງີນ​ຈຳນວນ 1 ພັນ​ລ້ານ​ ຫລຽນຯ ໂດຍ​ມີ​ລາຍ​ງານ​ວ່າ​ Mark Zuckerburg ໄດ້​ກໍ່ການ​ຕົກລົງ​ກັນ​ດ້ວຍ​ວາ​ຈາ​ໄປ​ແລ້ວ​ດ້ວຍ​ວ່າ ຈະ​ຍອມ​ຂາຍ facebook ໃຫ້​ກັບ Yahoo ແລະ​ພຽງ​ແຕ່ສອງ​ສາມ​ມື້​ຕໍ່​ມາ ຫຸ້ນ​ຂອງ Yahoo ກໍ​ໄດ້​ພຸ່ງ​ຂຶ້ນ​ສູງ​ທັນທີ ແຕ່​ວ່າ​ຂໍ້​ສະເໜີ​ຊື້​ຂາຍໄດ້​ຖືກ​ຕໍ່​ລົງ​ເຫລືອ​ພຽງ 800 ລ້ານ​ ຫລຽນຯ ເຮັດໃຫ້​ Mark Zuckerburg ປະຕິເສດ​ຂໍ້​ສະເໜີ​ນັ້ນ​ທັນ​ທີ. ​ຕໍ່​ມາ ທາງ Yahoo ໄດ້​ລອງ​ສະເໜີ​ຂຶ້ນ​ໄປ​ທີ່ 1 ພັນ​ລ້ານ​ ຫລຽນຯ ອີກ​ເທື່ອ ເທຶ່ອນີ້​ Mark Zuckerburg ປະຕິເສດ Yahoo ທັນ​ທີ ແລະ​ໄດ້ຮັບ​ຊື່​ສຽງ​ໃນ​ທາງ​ບໍ່​ດີ​ວ່າ ເຮັດ​ທຸລະກິດ​ເປັນ​ນ້ອຍໄປ​ໃນ​ທັນ​ທີ ນີ້​ບໍ່ແມ່ນ​ເທື່ອ​ທຳອິດທີ່​ Mark Zuckerburg ປະຕິເສດ​ຂໍ​ສະເໜີ​ຊື້ບໍລິສັດ ເພາະ​ເຄີຍ​ມີ​ບໍລິສັດ Viacom ໄດ້​ເຄີຍ​ລອງ​ສະເໜີ​ຊື້ facebook ດ້ວຍ​ວົງ​ເງີນ 750 ລ້ານ​ຫລຽນຯ ແລະ​ຖືກປະຕິເສດ​ໄປ​ແລ້ວ​ໃນ​ເດືອນ​ມີ​ນາ​ປີ 2007

ມີ​ກະ​ແສຂ່າວອີກ​ໜຶ່ງຂ່າວ​ທີ່​ບໍ່​ຄ່ອຍ​ດີ​ສຳລັບ facebook ທີ່​ໄດ້​ມີ​ການ​ໂຕ້​ຖຽງ​ກັນ​ຢ່າງ​ໜັກ ກັບ Social Network ທີ່​ຊື່ ConnectU ໂດຍ​ຜູ້​ກໍ່​ຕັ້ງ ConnectU ຊຶ່ງ​ເປັນ​ຫມູ່​ຮ່ວມ​ຊັ້ນ​ຮຽນ​ກັບ​ Mark Zuckerburg ຕອນຮຽນທີ່ຮາລ໌​ເວິລ໌​ດ(Harvard University) ໄດ້​ກ່າວ​ຫາ​ວ່າ​ Mark Zuckerburg ໄດ້​ລັກ​ເອົາ source code ສຳລັບ facebook ໄປ​ຈາກ​ຕົນ ໂດຍ​ກໍລະນີ​ນີ້​ໄດ້​ມີ​ເລື່ອງ​ມີ​ລາວ​ໄປ​ເຖິງ​ຊັ້ນ​ສານ ແລະ​ຕອນ​ນີ້​ໄດ້​ແກ້​ໄຂ​ຂໍ້​ພິ​ພາດ​ກັນ​ໄປ​ຮຽບຮ້ອຍ​ແລ້ວ

ເຖິງແມ່ນວ່າ​ຈະ​ມີ​ຂໍ້​ຜິດພາດ​ຢ່າງ​ນີ້​ເກີດ​ຂຶ້ນກໍ່ຕາມ ການ​ເຕີບໂຕ​ຂອງ facebook ກໍ​ຍັງ​ຂັບ​ເຄື່ອນ​ຕໍ່ໄປ ໃນ​ລະດູ​ໃບ​ໄມ້ລົ່ນ​ປີ 2008 facebook ມີ​ສະມາຊິກ​ທີ່​ມາ​ສະໝັກ​ໃໝ່​ຫລາຍກວ່າ 1 ລ້ານ​ຄົນ​ຕໍ່​ອາທິດ ໂດຍ​ສະເລ່ຍ​ຢູ່​ທີ່​ມື້​ລະ 200,000 ຄົນ ຊຶ່ງ​ລວມ​ກັນ​ແລ້ວ​ເຮັດໃຫ້ facebook ມີ​ສະມາຊິກ​ຫລາຍ​ເຖິງ 50 ລ້ານ​ຄົນ ໂດຍ facebook ມີ​ຍອດ​ຜູ້​ເຂົ້າ​ຊົມ​ສະເລ່ຍ​ຢູ່​ທີ່ 40,000 ລ້ານ​ເພດ​ວິວ​ຕໍ່​ເດືອນ ຈາກ​ມື້​ທຳອິດ​ທີ່ facebook ເປັນ social network ຂອງ​ນັກ​ສຶກ​ສາ​ມະຫາ​ວິທະຍາ​ໄລ ຈົນ​ມື້​ນີ້ ສະມາຊິກ​ຂອງ facebook 11% ມີ​ອາ​ຍຸ​ຫລາຍກວ່າ 35 ປີ ແລະ​ສະມາຊິກ​ທີ່​ມີ​ອາ​ຍຸ​ຫລາຍກວ່າ 30 ປີ​ກໍ​ເຂົ້າ​ມາ​ສະໝັກ​ໃຊ້ facebook ກັນ​ຫລາຍ ນອກ​ເໜືອ​ຈາກ​ນີ້ facebook ຍັງ​ເຕີບໂຕ​ຢ່າງ​ຍິ່ງ​ໃຫຍ່​ໃນ​ຕະ​ຫລາດ​ຕ່າງ​ປະເທດ​ອີກ​ດ້ວຍ ໂດຍ 15% ຂອງ​ສະມາຊິກ ເປັນ​ຄົົນທີ່​ຢູ່ໃນ​ປະເທດ​ແຄ​ນາ​ດາ ຊຶ່ງ​ມີ​ລາຍ​ງານ​ອອກ​ມາ​ດ້ວຍ​ວ່າ ຄ່າ​ສະເລ່ຍຂອງ​ສະມາຊິກ​ທີ່​ມາ​ໃຊ້​ງານ facebook ນັ້ນ​ຢູ່​ທີ່ 19 ນາ​ທີ​ຕໍ່​ມື້​ຕໍ່​ຄົນ ໂດຍ facebook ຖື​ໄດ້​ວ່າ​ເປັນ​ເວັບ​ໄຊຕ໌​ທີ່​ມີ​ຜູ້​ໃຊ້​ງານ​ຫລາຍ​ທີ່ສຸດ​ເປັນ​ອັນ​ດັບ 6 ຂອງ ອາເມລິກາ ​ແລະ​ເປັນ​ເວັບ​ໄຊຕ໌​ທີ່​ມີ​ຜູ້​ອັບ​ໂຫລດ​ຮູບພາບ​ສູງ​ທີ່ສຸດ​ດ້ວຍ​ຈຳນວນ 4 ໝື່ນ​ໜຶ່ງ​ພັນ​ລ້ານ​ຮູບ

ຈາກ​ຈຳນວນ​ສະ​ຖິ​ຕິ​ເຫລົ່າ​ນີ້ ໄມ​ໂຄ​ຊອ​ຟົຕ໌​ໄດ້​ຮ່ວມ​ລົງ​ທຶນ​ໃນ facebook ເປັນ​ຈຳນວນ​ເງີນ 240 ລ້ານ ​ຫລຽນຯ ເພື່ອ​ແລກ​ກັບ​ຫຸ້ນ​ຈຳນວນ 1.6 % ໃນ​ເດືອນ​ຕຸລາ 2007 ເຮັດໃຫ້​ມູນ​ຄ່າ​ລວມ​ຂອງ facebook ມີ​ປະມານ 15,000 ລ້ານຫລຽນຯ (ຂໍ້ມູນຈາກ wikipedia) ແລະ​ເຮັດໃຫ້ facebook ເປັນ​ບໍລິສັດ​ອິນ​ເຕີລ໌​ເນັດ​ທີ່​ມີ​ມູນ​ຄ່າ​ສູງ​ເປັນ​ອັນ​ດັບ 5 ໃນ​ໝູ່​ບໍລິສັດ​ອິນ​ເຕີລ໌​ເນັດ​ໃນ​ສະ​ຫະລັດ​ອະ​ເມ​ລິ​ກາ ດ້ວຍ​ມູນ​ຄ່າ​ລາຍ​ຮັບ​ຕໍ່​ປີ​ພຽງ​ແຕ່ 150 ລ້ານ​ຫລຽນຯ ຫລາຍ​ຝ່າຍ​ໄດ້​ອະທິບາຍ​ວ່າ ການ​ຕັດ​ສິນ​ໃຈ​ຂອງ​ໄມ​ໂຄ​ຊອ​ຟົຕ໌​ໃນ​ເທື່ອ​ນີ້​ເຮັດ​ພຽງ​ເພື່ອ​ທີ່​ຈະ​ເອົາ​ຊະນະ Google ຊຶ່ງ​ເປັນ​ຄູ່​ແຂ່ງ​ຂັນ​ທີ່​ຈະ​ຂໍ​ຊື້ facebook ໃນ​ເທື່ອ​ດຽວ​ກັນ​ນັ້ນ. ແລະຕາທີ່ໄດ້ເບິງຫນັງມາ ກະເຈົ້າຍັງບອກອີກວ່າ Mark Zuckerberg ເປັນເສດຖີທີ່ຫນຸ່ມທີ່ສຸດ.

ທີ່ມາ: Wiki, Keng