ຄວາມຮູ້ສຳຫລັບ QR Code ແມ່ນຫຍັງ ເຮັດວຽກແບບໃດ

17/10/2010 ລາຍງານພິເສດ

ຄິວອາລ໌ໂຄ້ດ (QR Code) ຫລື ຫລາຍຄົນເອີ້ນວ່າບາລ໌ໂຄ້ດ 2 ມິຕິ ຄືລະຫັດຊະນິດໜຶ່ງຊຶ່ງສາມາດເກັບຂໍ້ມູນໄດ້ ມີລັກສະນະເປັນຮູບສີ່ຫລ່ຽມຂາວດຳ ສ່ວນຫລາຍມັກນິຍົມໃຊ້ເກັບຂໍ້ມູນສິນຄ້າເຊັ່ນ: ຊື່ສິນຄ້າ, ລາຄາສິນຄ້າ, ເບີລ໌ໂທລະສັບ, ອີເມວແລະຊື່ເວັບໄຊຕ໌.

ຄິວອາລ໌ໂຄ້ດ(QR Code) ເປັນການພັດທະນາມາຈາກ ບາລ໌ໂຄ້ດ ຖືກຄິດຄົ້ນຂຶ້ນໃນປີ ຄ. ສ. 1994 ໂດຍບໍລິສັດສັນຊາດຍີ່ປຸ່ນ ທີ່ຊື່ເດນໂຊ ແລະ ໄດ້ຈົດທະບຽນລິຂະສິດຊື່ ” QR Code” ໄປແລ້ວທັງໃນຍີ່ປຸ່ນ ແລະ ທົ່ວໂລກ ອັກສອນຫຍໍ້ ” QR” ຫຍໍ້ມາຈາກ Quick Response ຫລື ການຕອບສະຫນອງທີ່ວ່ອງໄວ ຊຶ່ງເປັນຄຳທີ່ນິຍາມຈາກຜູ້ຄິດຄົ້ນທີ່ພັດທະນາໃຫ້ຄິວອາລ໌ໂຄ້ດສາມາດອ່ານໄດ້ຢ່າງ ວ່ອງໄວ ການອ່ານ ຄິວອາລ໌ໂຄ້ດ ນິຍົມໃຊ້ກັບໂທລະສັບມືຖື ລຸ້ນທີ່ມີກ້ອງຖ່າຍຮູບ ແລະ ສາມາດຕິດຕັ້ງຊອຟແວລ໌ເພີ່ມເຕີມໄດ້

ໃນປະຈຸບັນ QR Code ນອກຈາກຈະເອົາໄວ້ໃຊ້ໃນວົງການຄ້າຂາຍສິນຄ້າ ຫລື ຂົນສົ່ງແລ້ວ ຍັງເປັນທີ່ນິຍົມນຳເອົາມາໃຊ້ໃນການຕະຫລາດອີກດ້ວຍ ສ່ວນຫລາຍເຮົາມັກຈະເຫັນ QR Code ໄປຢູ່ຕາມໂຄສະນາ ໃນນິຕະຍາສານ, ຫນັງສືພິມ, ນາມບັດ ລວມໄປເຖິງປ້າຍໂຄສະນາເປັນຕົ້ນ ຊຶ່ງເຮົາສາມາດໃຫ້ QR Code ນີ້ ເກັບຂໍ້ມູນ url ຂອງເຮົາໄດ້ ແລະ ດ້ວຍຄວາມທັນສະໄໝ ເຮົາຍັງສາມາດຕິດຕັ້ງຊອຟົຕ໌ແວລ໌ສຳລັບອ່ານ QR Code ຫລື 2D Bar Code ນີ້ໄວ້ໃນໂທລະສັບມືຖືໄດ້ງ່າຍໆ. ເມື່ອໄປພົບເຫັນ QR Code ໃນທີ່ຕ່າງໆ ເຮົາກໍສາມາດເອົາໂທລະສັບມືຖືໄປຖ່າຍເອົາ ຫລື scan ເພື່ອຮັບຂໍ້ມູນນັ້ນມາໄດ້ໂດຍສະດວກແລະງ່າຍດາຍ.

ບໍລິການຂອງ QR Code ແມ່ນທຸກຄົນສາມາດສ້າງໄດ້ແລ້ວກໍ່ບໍ່ມີຄ່າໃຊ້ຈ່າຍໃດໆທັ້ງສິ້ນ ສາມາດເຂົ້າໄປສ້າງໄດ້ທີ່ http://qrcode.kaywa.com ແລະ ສຳຫລັບໃຜທີ່ມີຊອຟົຕ໌ແວລ໌ສຳລັບອ່ານ QR Code ເທິງໂທລະສັບມືຖືແລ້ວ ຫລື ຫາກຍັງບໍ່ມີ ກໍ່ເຂົ້າໄປດາວນ໌ໂຫລດໄດ້ທີ່ http://reader.kaywa.com/getit ແລ້ວກໍ່ທຳການດາວນ໌ໂຫລດມາຕິດຕັ້ງລົງໂທລະສັບ ແລ້ວລອງ scan ເບິງໂຄ້ດຂ້າງລຸ່ມນີ້ເບິງ ຫລັງຈາກນັ້ນກໍ່ຈະເຫັນລິ້ງເຂົ້າຊື່ເວັບໄຊຕ໌ຂອງພວກເຮົາທັນທີ.