ຂ່າວລ່າສຸດ Dell ໄດ້ອອກມາປ່ອຍຄິບ ຕົວຢ່າງ Dell Inspiron Duo ຂະຫນາດ 10ນິ້ວ ທີ່ລວມທັງ ແທັບເລັດ ແລະ ເນັດບຸ໊ກ ຢູ່ໃນອັນດຽວກັນ ເຊິ່ງໃນວິດີໂອກໍ່ບໍ່ໄດ້ບອກລາຍລະອຽດຫຍັງຫລາຍ ແຕ່ຈາກສັງເກດເບິງໃນວິດີໂອແລ້ວ ມັນເປັນໄດ້ທັງ ແທັບເລັດ ແລະ ເນັດບຸ໊ກ ໃນທັນຕາ ເພາະສັງເກດເວລາມັນພັບຢູ່ນັ້ນມັນຈະຢູ່ໃນລັກສະນະເປັນແທັບເລັດ ເປັນຈໍສຳພັດ ແຕ່ພໍເປີດ ອອກມາ ກໍ່ຈະເຫັນຄີບອດ ແລະ ແປງລ່າງເປັນເນັດບຸ໊ກທັນທີຢ່າງງ່າຍດາຍ.

ຢ່າງໃດກໍ່ຕາມ ເຮົາຄິດວ່າ Dell Inspiron Duo ມັນຈະສາມາດດຶງຄວາມສົນໃຈໄດ້ບໍຫລາຍກໍ່ຫນ້ອຍ ເພາະມັນຕອບໂຈດໄດ້ຕົງຕາມຄວາມຕ້ອງການ ທັງການເຮັດວຽກ ແລະຄວາມບັນເທີງຕ່າງໆ ມັນສາມາດເປັນໄດ້ ທັງສອງຢ່າງ. ແລະມີການຄາດການວ່າມັນຈະອອກພາຍໃນທ້າຍປີນີ້ອີກດ້ວຍ. ຄົງຕ້ອງຕິດຕາມກັນຕໍ່ໄປວ່າມັນຈະມີປະສິດທິພາບສ່ຳໃດສຳຫລັບ Dell Inspiron Duo 10ນິ້ວ, ໂຕນີ້ ຈັງໃດກໍ່ລອງສັງເກດວິດີໂອທ້າຍຂ່າວເນາະ.

ທີ່ມາ: Engadget