ລ່າສຸດບໍລິສັດ ຜູ້ພັດທະນາ BitTorrent ອອກມາເປີດເຜີຍວ່າ ປະຈຸບັນມີຍອດຜູ້ໃຊ້ ໂປຼແກຼມ BitTorrent Mainline ແລະ µTorrent ທັງຫມົດ 100ລ້ານຄົນຕໍ່ເດືອນ ເຊິງເປັນໂຕເລກ ທີ່ຫນ້າພູມໃຈ ແລະ ບໍ່ຫນ້າພູມໃຈໄປພ້ອມໆກັນ, ເພາະວ່າໄຟລ໌ສ່ວນໃຫຍ່ທີ່ຢູ່ໃນບໍລິການ BitTorrent ນັ້ນ ເປັນໄຟລ໌ທີ່ລະເມີດລິຂະສິດ, ເຊິງອັນນີ້ຫລາຍຄົນອາດຈະຮູ້ດີ, ສຳບໍ່ຫນຳ ຍັງບໍ່ໄດ້ນັບລວມກັບໂປຼແກຼມ ອື່ນໆທີ່ບໍ່ໄດ້ປ່ອຍຢ່າງເປັນທາງການ ເຊິ່ງກໍ່ມີຫລາຍໂປຼແກຼມເຊັ່ນກັນ.

ນອກນັ້ນ ທາງບໍລິສັດເອງຍັງໄດ້ເຜີຍຍອດສະຖິຕິອື່ນໆອີກເຊັ່ນ: ມີຍອດຜູ້ເຂົ້າໃຊ້ຫລາຍກວ່າ 20ລ້ານຄົນ ຕໍ່ມື້, ສະເລ່ຍມີການດາວໂຫລດຈຳນວນ 4ແສນ ເທຶ່ອຕໍ່ມື້, ຍອດຜູ້ໃຊ້ທັງຫມົດ ແມ່ນມາຈາກ 220 ປະເທດ ທຸກໆ 4ມື້, ໃນໂປຼແກຼມຮອງຮັບ 52ພາສາ.

ຖືໄດ້ວ່າ ໂປຼແກຼມຕະກູນ BitTorrent ນັ້ນເປັນທີ່ນິຍົມສູງ ເຊິ່ງເປັນໂຕເລກທີ່ຫນ້າພູມໃຈ ເທິງຄວາມ ກັງວົນຂອງຄົນອື່ນເລີຍກໍ່ວ່າໄດ້ ແຕ່ຫາກທຽບກັບ Facebook ແລ້ວ ຖືວ່າໄດ້ 1/5 ເລີຍກໍ່ວ່າໄດ້ ເນຶ່ອງຈາກ Facebook ມີຫລາຍກວ່າ​ 5ຮ້ອຍລ້ານ ສ່ວນ BitTorrent ກໍ່ມີຫລາຍກວ່າ 100ລ້ານຕໍ່ເດືອນ.

ທີ່ມາ: Mashable