ລ່າສຸດທາງ Google ໄດ້ໂພສຂໍ້ຄວາມອັບເດດ ກ່ຽວກັບພະລິດຕະພັນທີ່ຍັງເປັນຢູ່ໃນແລັບຢູ່ ຊື່ວ່າ Goggles, ເຊິ່ງບົດຄວາມໃນບຼ໊ອກດັ່ງກ່າວ ກໍ່ຈະກ່າວເຖິງຄວາມໄວຂອງ Google goggles ທີ່ໄວຂຶ້ນ ແລະ ສະຫລາດຂຶ້ນ, ສາມາດສະແກນບຼາໂຄ໊ດ ເພຶ່ອຄົ້ນຫາ ລາຍລະອຽດສິນຄ້າ ແລະ ປຶ້ມ ແລະອື່ນໆ.

ນອກນັ້ນຍັງມີ ຄວາມສາມາດໃຫມ່ທີ່ເປັນໄຮໄລ້ ຫລື ອັນທີ່ອາດຈະເຮັດໃຫ້ຫລາຍຄົນຮືຮາ ເຊິ່ງຄວາມສາມາດນີ້ກໍ່ຄື ການແກ້ໄຂປັນຫາໃນ Soduku ເຊິ່ງຄວາມສາມາດນີ້ ນັກຫລິ້ນ Sudoku ລະດັບໂລກອາດຈະຕ້ອງຍອມກົ້ມກາບເລີຍກໍ່ວ່າໄດ້ 😀 ເພາະມັນສາມາດແກ້ໄຂປັນຫາໃນເກມ Soduku ໄດ້ພາຍໃນເວລາບໍ່ເຖິງນາທີ ດ້ວຍການຖ່າຍຮູບເອົາຫນ້າ Sudoku ທີ່ຕ້ອງການແກ້ປັນຫາເທົ່ານັ້ນ. ເຊິ່ງການເຮັດວຽກຂອງມັນກໍ່ເຂົ້າໃຈກັນງ່າຍໆວ່າ ມັນຈະໃຊ້ກ້ອງຖ່າຍຮູບເພຶ່ອສະແກນ ເອົາປັນຫາໃນເກມ Soduku ແລ້ວນຳໄປເປັນຄິເວິດໃນການຄົ້ນຫາ.

ເຊິ່ງວິທີການໃຊ້ງານກໍ່ເປີດ App ຂຶ້ນມາແລ້ວກໍ່ນຳໄປຖ່າຍຮູບ ເພຶ່ອສະແກນເອົປັນຫາຂອງ Soduku ແລ້ວຫລັງຈາກນັ້ນກໍ່ກົດ solve ເພຶ່ອແກ້ປັນຫານັ້ນໆ, ຫາກຜູ້ອ່ານຄົນໃດສົນໃຈ ຢາກນຳໄປທົດລອງໃຊ້ກໍ່ສາມາດດາວໂຫລດ Google Mobile App ເວີຊັ່ນລ່າສຸດໄດ້ທີ່ Android Market ແລະ App Store ເຊິ່ງຈະຮອງຮັບໃນ ສະມາດໂຟນ Android ແລະ iPhone 3GS, iPhone 4 ເທົ່ານັ້ນ.

ຈະເທບສຳໃດນັ້ນກໍ່ເບິງວິດີໂອເພຶ່ອເປັນການພິສູດ

ທີ່ມາ: google mobile