ລ່າສຸດ Microsoft ອອກ Windows Phone 7 Connector ສຳລັບເຊື່ອມຕໍ່ ແລະຈັດການຄອນເທັນຕ່າງໆ ລະຫວ່າງ Windows Phone 7 ກັບເຄື່ອງ Mac. ເຊິ່ງໃນເວີຊັ່ນນີ້ ຈະສາມາດໃຫ້ຜູ້ໃຊ້ ຖ່າຍໂອນໄຟລ໌ ແລະຄອນເທັ້ນຕ່າງໆເຊັ່ນ: ເພງ, ຮູບ, ວິດີໂອ ແລະອື່ນໆ ລວມທັງສາມາດໃຊ້ອັບເດດ Windows Phone 7 ໃຫ້ກັບໂທລະສັບຂອງຜູ້ໃຊ້ໄດ້ອີກດ້ວຍ.

ນອກຈາກນັ້ນ Windows Phone 7 Connector ຍັງສາມາດຖ່າຍໂອນຂໍ້ມູນ ເຊັ່ນ: ເພງ, ຮູບ, ວິດີໂອ, ລາຍການໂທລະທັດ, ແລະອື່ນໆທີ່ມີໃນ iTunes Library ແລະ iPhoto Library ໄປຍັງໂທລະສັບຂອງທ່ານໄດ້ ແລະນອກນັ້ນ Windows Phone 7 Connector ຍັງຮອງຮັບ Zune HD ເຄື່ອງຫລິ້ນເພງຂອງ Microsoft ໄດ້ອີກດ້ວຍ. ສຳລັບຜູ້ໃຊ້ Mac ແລ້ວມີ Windows Phone 7 (ອາດຈະມີຫນ້ອຍ) ກໍ່ສາມາດເຂົ້າໄປດາວໂຫລດໄດ້ທີ່ Mac App Store

ທີ່ມາ – Mac App Store