ຫລັງຈາກໄດ້ຈັບມືກັບ Microsoft ແລ້ວ Nokia ກໍ່ໄດ້ດຳເນີນການຫລາຍໆຢ່າງ ແລະ ອາດຈະເປັນການປ່ຽນແປງຄັ້ງປະຫວັດສາດ ຂອງ Nokia ເລີຍກໍ່ວ່າໄດ້. ເຊິ່ງປະຈຸບັນໄດ້ມີການປ່ຽນຕຳແຫນ່ງປະທານ ຜູ້ບໍລິຫານ Nokia USA ຫລື ໂນເກຍ ໃນອາເມລິການນັ້ນເອງ.

ລາຍງານລ່າສຸດບອກວ່າ ທາງ Nokia ໄດ້ປະກາດແຕ່ງຕັ້ງໃຫ້ Chris Weber ເປັນປະທ່ານບໍລິສັດ Nokia USA ແລະ ເປັນຫົວຫນ້າການຕະຫລາດໃນ ອາເມລິກາເໜຶອ ເຊິ່ງຂຶ້ນແທນຄົນເກົ່າ ທີ່ຊື່ວ່າ Mark Louison. Chris Weber ເປັນອະດີດຜູ້ບໍລິຫານງານ ລະດັບສູງໃນ Microsoft ມາເປັນເວລາກວ່າ 16ປີ ແລະ ໄດ້ດຳລົງຕຳແຫນ່ງລະດັບສູງ ຫລາຍຕຳແຫນ່ງດ້ວຍກັນ ບໍ່ວ່າຈະເປັນ ທາງດ້ານການຂາຍ, ການຕະຫລາດ ແລະ ການບໍລິການ.

ທີ່ມາ: ​Engadget