ລ່າສຸດ Apple ໄດ້ອັບເດດ iMovie ສຳລັບ iOS ແລ້ວ ເພຶ່ອໃຫ້ຮອງຮັບ iPad 2 ທີ່ກຳລັງຈະວາງຂາຍມື້ອື່ນນີ້, ສຳລັບ iMovie ທີ່ອອກມາສຳລັບ iPad 2 ນີ້ຍັງສາມາດຮອງຮັບ iPhone 4 ແລະ iPod touch 4G ອີກດ້ວຍ ເຊິ່ງກໍ່ຫນ້າແປກໃຈວ່າ ໃນຫນ້າດາວໂຫລດ App ໂຕນີ້ໄດ້ບອກໄວ້ວ່າ ສາມາດໃຊ້ໄດ້ໃນ iPad 2, iPod touch 4G ແລະ iPhone 4 ທີ່ໃຊ້ລະບົບປະຕິບັດການ iOS 4.2.6 ຂຶ້ນໄປເທົ່ານັ້ນ. ແບບນີ້ iPad 1 ອາດຈະໃຊ້ງານບໍ່ໄດ້ ຫລື ແນວໃດຫາກໃຜໃຊ້ iPad 1 ແລ້ວລອງດາວໂຫລດມາລອງເບິງເດີ່ ຫາກໄດ້ກໍ່ມາບອກແດ່. ຢ່າງໃດກໍ່ຕາມ ໃນການອັບເດດຄັ້ງນີ້ກໍ່ໄດ້ເພີ່ມຄຸນສົມບັດຕ່າງໆເຂົ້າໄປຫລາຍພໍສົມຄວນ ເຊິງໄດ້ແກ່:

• ມີຄວາມແນ່ນອນ ໃນເລື່ອງການແກ້ໄຂໃນແບບ Multi-Touch (ສະເພາະ iPad).
• Multitrack ແກ້ໄຂສຽງຕ່າງໆ ພ້ອມກັບສຽງ Theme ສະເພາະເຖິງ 8 ສຽງ ແລະ ສຽງ effect ອີກ ຫລາຍກວ່າ 50 ສຽງ.
• ສາມາດບັນທຶກສຽງລົງໄປໃນ TimeLine ໄດ້ທັນທີ.
• ການສະແດງຄື້ນສຽງ (ສະເພາະ iPad).
• ມີ Theme ເພີ່ມາອີກ ສາມ Theme ໄດ້ແກ່: Neon, Simple, ແລະ CNN iReport.
• ສາມາດອັບໂຫລດວິດີໂອແບບ HD ລົງ YouTube, Facebook, Vimeo, ແລະ CNN iReport ໄດ້ທັນທີ.
• ຮອງຮັບ AirPlay ສຳລັບການແຊໄປຍັງ Apple TV ( ຮອງຮັບສະເພາະ Apple TV 2G; ແລະ ຕ້ອງເປັນiOS 4.3 ຂຶ້ນໄປ).
• ສາມາດໃສ່ຂໍ້ຄວາມ ຫລື TITLE ເຂົ້າໄປໃນ ຮູບໄດ້.

ນອກນັ້ນຍັງມີຄຸນສົມບັດອື່ນໆອີກ ສາມາດເຂົ້າໄປເບິງໄດ້ທີ່ຫນ້າ ດາວໂຫລດ ສ່ວນລາຄານັ້ນຢູ່ທີ່ $4.99: http://itunes.apple.com/us/app/imovie/id377298193