ຫລາຍທ່ານອາດຈະໄດ້ເຫັນ ແທັບເລັດທີ່ຮອງຮັບການ ອ່ານ ແລະ ພິມພາສາລາວ ຈາກທາງ XY Mobile ທີ່ເພີ່ນໄດ້ສະແດງໃນງານ IT Festa 2011 ແລະ ຂ່າວທີ່ໄດ້ນຳສະເຫນີໄປກ່ອນຫນ້ານີ້. ເຊິ່ງລ່າສຸດທາງເວັບຂອງເພີ່ນກໍ່ໄດ້ອັບເດດຮູບ ແລະ ລາຍລະອຽດເພີ່ມເຕີມກ່ຽວກັບສະເປັກຂອງແທັບເລັດໂຕນີ້. ແຕ່ກໍບໍ່ຮູ້ເດັ່ນຊັດວ່າ ແທັບເລັດໂຕນີ້ຊືວ່າແນວໃດກັນແທ້,​ ແຕ່ຂ້າພະເຈົ້າກໍ່ຈະຂໍເອີ້ນວ່າ XY Tablet ກໍ່ແລ້ວກັນ.

ສຳລັບ XY Tablet ນີ້ຈະມາກັບສະເປັກທີ່ພໍໃຊ້ໄດ້ເຫມາະສົມກັບລາຄາ ເຊິ່ງລາຍລະອຽດມີດັ່ງລຸ່ມນີ້:

• ຫນ້າຈໍ LED ຂຂະຫນາດ 7ນິ້ວ, ຄວາມລະອຽດ 1024 x 600 ພິກເຊວ.
• ຫນ່ວຍປະມວນຜົນ (CPU) 800 MHZ.
• Ram DDR  128MB ຈຳນວນ 4 ໂຕ ລວມທັງຫມົດ 512MB.
• ລະບົບປະຕິບັດການ Android 2.2.
• ຫນ່ວຍຄວາມຈຳໃນໂຕເປັນ e-MMC Flash ຂະຫນາດ 8GB.
• ສາມາດເພີ່ມຄວາມຈຳພາຍນອກ ດ້ວຍ T-Flash Card (Micro SD Card) ໄດ້ສູງເຖິງ 32GB
• ຮອງຮັບການເຊື່ອມຕໍ່ໄຮ້ສາຍ ແບບ 3G( WCDMA, EVDO, TD-SCDMA).
• ສາມາດໃຊ້ໂທອອກ ແລະ ຮັບສາຍໄດ້ຜ່ານເຄຶອຂ່າຍ 3G UMTS/HSPA (850/1900/2100MHz) ແລະ GSM/GPRS/EDGE (850/900/1800/1900 MHz).
• ຮອງຮັບການສົນທະນາທາງໂທລະສັບ ຜານຫູຟັງ Bluetooth, ຫລື ຊຸດຫູຟັງໄດ້.
• ຮອງຮັບການເຊື່ອມຕໍ່ WI-FI （802.11 b/g) (ຂໍຕິຢູ່ບ່ອນວ່າ ດຽວນີ້ຫນ້າໃຊ້ 802.11 n ໄດ້ແລ້ວ.)
• Bluetooth V2.1+ EDR
• ແບັດເຕີລີ່ຄວາມຈຸ 4200mAh, 3.7V 15.5Wh, Lithium Polymer (ບໍ່ໄດ້ແຈ້ງວ່າໃຊ້ງານໄດ້ຕໍ່ເນື່ອງຈັກຊົ່ວໂມງ).
• ຊ່ອງສຽບຫູຟັງ 3.5 ມມ.
• ມີລຳໂພງ ແລະ ມີໄມໃນໂຕ.
• ມີກ້ອງຫນຶ່ງໂຕດ້ານຫນ້າຄວາມລະອຽດ 1.3ລ້ານພິກເຊວ.
• ຮອງຮັບຄີບອດພາຍນອກ (ຕາມລາຍງານ).
• ຮອງຮັບການອ່ານ ແລະ ພິມພາສາລາວໄດ້.
• ຕົວເຄື່ອງກວ້າງ 126ມມ, ຍາວ 197ມມ ແລະມີຄວາມຫນາ 13.8ມມ.
• ນ້ຳຫນັກຂອງຕົວເຄື່ອງ 310 ກຼາມ.
• ລາຄາແມ່ນ $320

ທີ່ມາ – XY Mobile