ລ່າສຸດທາງ Toshiba ກໍ່ຕຽມໂຕວາງຂາຍແທັບເລັດຂະຫນາດ 10 ນິ້ວທີ່ມາກັບລະບົບປະຕິບັດການ Android 3.0 ຫລື Honeycomb. ເຊິ່ງປະຈຸບັນທາງ Toshiba ກໍ່ໄດ້ເຜີຍໂສມແທັບໂຕນີ້ລົງໄປໃນເວັບໄຊຕ໌ Amazon ແລ້ວ ແຕ່ຍັງບໍ່ໄດ້ປະກາດລາຄາແຕ່ຢ່າງໃດ.

ລາຍລະອຽດສະເປັກຂອງ Toshiba ແທັບເລັດມີດັ່ງນີ້:

• ຫນ້າຈໍ LED ຂະຫນາດ 10.1 ນິ້ວ ຮອງຮັບການຫລິ້ວິດີໂອໄດ້ເຖິງລະດັບ 720p.
• ຫນ່ວຍປະມວນຜົນທີ່ໃຊ້ແມ່ນ NVIDIA Tegra 2 dual-core.
• ມີກ້ອງດ້ານຫລັງ ຄວາມລະອຽດ 5ລ້ານພິກເຊວ ເປັນ autofocus ບໍ່ມີແຟັດ ສາມາດບັນທຶກວິດີໂອໄດ້ລະດັບ 720p
• ກ້ອງຫນ້າມີຄວາມລະອຽດ 2ລ້ານພິກເຊວ.
• ມີພອກ USB ແລະ mini-USB ໃນໂຕ ໃຫ້ສາມາດເຊື່ອມຕໍ່ Flash Drive ໄດ້ໂດຍກົງ.
• ມີພອດ HDMI ສຳລັບຕໍ່ອອກໄປຍັງຈໍພາຍນອກ.
• ມີຊ່ອງໃສ່ SD card ມາແປກ ເພາະຫລາຍເຈົ້າຈະໃຊ້ Micro SD Card.
• ຮອງການເຊື່ອມຕໍ່ຜ່ານ Wi-Fi ໄດ້ລະດັບ N ແລະ Bluetooth.
• ລະບົບປະຕິບັດການເປັນ Android 3.0 ຫລື Honeycomb.

ຢ່າງໃດກໍ່ຕາມ ສຳລັບແທັບໂຕນີ້ຍັງບໍ່ມີການປະກາດລາຄາຢ່າງເປັນທາງການແຕ່ຢ່າງໃດ, ແຕ່ກຳນົດເວລາການວາງຂາຍນັ້ນ ໃນທາງເວັບໄຊຕ໌ຂອງທາງ Toshiba ເອງກໍ່ໄດ້ແຈ້ງໄວ້ວ່າ ຈະເປັນໄຕມາດທີ່ສອງຂອງປີນີ້.

ທີ່ມາ – Amazon, Thetoshibatablet.com