ລ່າສຸດມີລາຍງານ ພ້ອມກັບຮູບພາບປະກອບ ເຊິ່ງອ້າງອີງວ່າ Amazon ກຳລັງຈະອອກໂທລະສັບມືຖື Android ທີ່ມາກັບຫນ້າຈໍ 4.3ນິ້ວ ແລະ ກໍ່ Android 2.3 ເຊິ່ງໃຫ້ຊື່ລຸ້ນນີ້ວ່າ Amazon Blaze ແລະຈະເລີ່ມວາງຂາຍຜ່ານຜູ້ໃຫ້ບໍລິການ AT&T ແລະ Verizon ລວມໄປເຖິງຮ້ານຄ້າອອນໄລນ໌ຂອງຕົນເອງອີກດ້ວຍ.

ສະເປັກຂອງ Amazon Blaze ນີ້ຍອມຮັບໄດ້ເລີຍວ່າສູງ ແລະ ຫນ້າສົນໃຈຫລາຍ, ໂດຍສະເພາະທີ່ມີແຜງ Solar Cell ທີ່ດ້ານຫລັງຂອງຝາປົກຂອງແບັດເຕີລີ່ ທີ່ຈະສາມາດໃຊ້ພະລັງງານທົດແທນຈາກແສງຕາເວັນໄດ້ ເພຶ່ອຍືດອາຍຸການໃຊ້ງານແບັດເຕີລີ່ໃຫ້ໃຊ້ໄດ້ດົນຂຶ້ນ.

ສະເປັກໂດຍລວມຂອງ Amazon Blaze ມີດັ່ງລຸ່ມນີ້:

• ຫນ້າຈໍຂະຫນາດ 4.3ນິ້ວ
• ຫນ່ວຍປະມວນຜົນ 1.2GHz dual-core Qualcomm MSM8660
• Ram ຂະຫນາດ 512MB
• ຄວາມຈຳໃນໂຕ ຂະຫນາດ 32GB
• ມາພ້ອມກັບ 8GB microSD
• ກ້ອງຫນ້າ 1.3 ລ້ານພິກເຊວ
• ກ້ອງຫລັງ 5ລ້ານພິກເຊວ
• MHL (Mobile High-Definition Link) ພອດສຳລັບເຊື່ອມຕໍ່ microUSB ແລະ microHDMI
• DLNA
• ອາດຈະມີ NFC (ແຫລ່ງຂ່າວກ່າວວ່າຍັງບໍ່ແນ່ໃຈ)
• Bluetooth 2.1/3.0
• ຮອງຮັບ GSM/HSPA+
• ລະບົບປະຕິບັດການ Android 2.3 Gingerbread
• ຄວາມຫນາຂອງຕົວເຄື່ອງແມ່ນ 9.25ມມ
• ນ້ຳຫນັກ 120ກຼາມ
• ແບັດເຕີລີ່ Lithium Ionຄວາມຈຸ 1700mAh
• ແຜງ Solar Cell ສຳລັບຮັບພະລັງງານແສງອາທິດ.

ຢ່າງໃດກໍ່ຕາມ Amazon ຍັງບໍ່ໄດ້ກຳນົດ ຫລື ຈະອອກມາປະກາດໃດໆກ່ຽວກັບໂທລະສັບມືຖືລຸ້ນນີ້ ແລ້ວກໍ່ຍັງບໍ່ມີລາຄາອອກມາ. ສະນັ້ນ, ກໍ່ໄດ້ແຕ່ຫວັງວ່າລາຄາຈະບໍ່ແພງ ແລະ Amazon ຈະແຍກຂາຍແບບປົດລັອກ ສຳລັບຕະຫລາດຕ່າງປະເທດທີ່ບໍ່ແມ່ນໃນອາເມລິກາ.

ທີ່ມາ – Android Police