ລ່າສຸດ Square credit card reader ເຄື່ອງຮູດບັດເຄດິດເທິງ iPhone ໄດ້ເລີ່ມອອກຈຳຫນ່າຍຢ່າງເປັນທາງແລ້ວ ໃນຮ້ານຄ້າຂອງ Apple ເຊິ່ງມີປະຈຸບັນກໍ່ມີຂາຍແລ້ວໃນຮ້ານຄ້າທົ່ວໄປ ແລະ ກໍ່ຄ້າອອນໄລນ໌ຂອງ Apple.

ຫລາຍຄົນອາດຈະສົງໃສວ່າ Square credit card reader ແມ່ນຫຍັງ? ເຊິ່ງ Square credit card reader ກໍ່ເປັນອຸປະກອນທີ່ຈະສາມາດໃຫ້ຜູ້ໃຊ້ສາມາດໃຊ້ເປັນເຄື່ອງຮັບເງິນຈາກບັດເຄດິດ ໂດຍຜ່ານ iPhone, iPod touch ແລະ iPad ທີ່ເຊື່ອມຕໍ່ອິນເຕີເນັດ. ເຊິ່ງອຸປະກອນນີ້ຈະໃຫ້ບໍລິການພາຍໄຕ້ບໍລິການຂອງ Square ເຊິ່ງຜູ້ໃຊ້ຈະຕ້ອງເຊື່ອມຕໍ່ບັນຊີທະນາຄານ ເຂົ້າກັບບໍລິການຂອງ Square, ແລະທຸກຄັ້ງທີ່ມີການຮັບເງິນຈາກການຮູດບັດໃນເຄື່ອງ Square credit card reader ຈຳນວນເງິນກໍ່ຈະຖືກໂອນເຂົ້າໄປໃນ ບັນຊີທະນາຄານທັນທີ ແລະ ຈະມີຄ່າບໍລິການ ຫລື ຫັກຄ່າບໍລິການຈຳນວນ 2.75% ຕໍ່ຄັ້ງ ຕໍ່ຈຳນວນເງິນ.

ບໍລິການຂອງ Square ເປັນທີ່ຫນ້າຈັບຕາຫລາຍ ເພາະສະດວກສຳລັບການຄ້າຂາຍຂະຫນາດນ້ອຍ ທີ່ຢາກສາມາດຮັບເງິນຈາກລູກຄ້າຜ່ານບັດເຄດິດ ບໍ່ວ່າຈະເປັນ VISA, Master, American Express, Discover ແລະອື່ນໆ. ແຕ່ຄວາມນິຍົມນັ້ນຍັງບໍ່ສູງ ອັນເນື່ອງມາຈາກຕອນນີ້ບໍລິການ Square ຍັງໃຫ້ບໍລິການພຽງແຕ່ໃນອາເມລິກາເທົ່ານັ້ນ ແລະ ຄ່າທຳນຽມໃນການຮັບເງິນທຸກຄັ້ງກໍ່ຍັງສູງ. ສຳລັບລາຄາຂອງ Square credit card reader ນີ້ແມ່ນຢູ່ທີ່ $9.95 ເທົ່ານັ້ນ, ເຊິ່ງຈະເຮັດວຽກຮ່ວມກັບ App ຂອງ Square ເອງ ໂດຍມີໃຫ້ດາວໂຫລດຟຼີ. ລາຍລະອຽດເພີ່ມເຕີມສາມາດເຂົ້າໄປເບິ່ງໄດ້ທີ່ http://squareup.com

ທີ່ມາ -​ Apple Store