ລ່າສຸດມີຂ່າວລືອອກມາວ່າ Amazon ກຽມທີ່ຈະອອກ Android ແທັບເລັດໃຫມ່ເຖິງສອງລຸ້ນດ້ວຍກັນ ເຊິ່ງຕາມລາຍງານນັ້ນທັງສອງລຸ້ນມີ CodeName ວ່າ Coyote ແລະ Hollywood.

ລາຍລະອຽດເບື້ອງຕົ້ນຂອງແທັບເລັດທັງສອງໂຕນັ້ນແມ່ນ Coyote ຈະມາກັບຫນ່ວຍປະມວນຜົນ NVIDIA Tegra 2. ແຕ່ສຳລັບ Hollywood ຄາດວ່າຈະມີຂະຫນາດໃຫຍ່ກວ່າ Coyote ແລະຈະມາກັບຫນ່ວຍປະມວນຜົນລູ້ນຕໍ່ໄປຂອງ NVIDIA ທີ່ຊື່ວ່າ NVIDIA T30 “Kal-El” ເຊິ່ງ ຫນ່ວຍປະມວນຜົນໂຕໃຫມ່ນີ້ຈະປະສິດທິພາບສູງກວ່າ Tegra 2 ເຖິງ 5ເທຶ່ອ ຫລື 500% ນັ້ນເອງ. ນອກນັ້ນ ໃນລາຍງານກໍ່ຍັງບໍ່ມີຫຍັງເພີ່ມເຕີມ ບໍ່ມີຂະຫນາດຫນ້າຈໍ ນ້ຳຫນັກ ຫລື ອັນໃດອື່ນ ແຕ່ທີ່ແນ່ໆແມ່ນເຮົາອາດຈະໄດ້ເຫັນແທັບເລັດຂອງ Amazon ໃນຊ່ວງທ້າຍປີນີ້.

ທີ່ມາ – BGR