ຫລ້າສຸດ Nokia ໄດ້ໂພສນັບຖອຍຫລັງ ວັນທີ່ຈະເລີ່ມວາງຂາຍ Nokia N9 ຢ່າງເປັນທາງການແລ້ວ, ເຊິ່ງຈະວາງຂາຍໃນອີກ 48ມື້ທາງຫນ້ານີ້ ຫາກນັບຈາກມື້ຂຽນຂ່າວນີ້. ເຊິ່ງ Nokia N9 ນີ້, ຫລາຍຄົນກໍ່ໃຫ້ຄວາມສົນໃຈ ແລະ ຈັບຕາເບິງກັນ ວ່າມັນຈະອອກມາໄດ້ດີສ່ຳໃດ ແລ້ວຈະປະສົບຄວາມສຳເລັດສູງເທົ່າໃດ. ຢ່າງໃດກໍ່ຕາມ Nokia N9 ຈະໃຊ້ລະບົບປະຕິບັດການ Meego ລຸ້ນລ່າສຸດທີ່ໄດ້ຮັບການປັບປຸງໃຫ້ເຮັດວຽກຕ່າງໆໄດ້ດີ ພ້ອມກັບມີຄວາມສາມາດຕ່າງໆເພີ່ມເຂົ້າໃຫມ່ອີກດ້ວຍ.

ກໍ່ຕ້ອງເບິງກັນວ່າໃນກາງເດືອນຫນ້າ ຫລື ກາງເດືອນກັນຍານີ້ ຫາກມັນອອກມາແລ້ວ ຈະໄດ້ຮັບຄວາມນິຍົມ ຫລື ຈະໄດ້ຮັບຂະແນນລີວິວສູງສ່ຳໃດ. ໃຜທີ່ເປັນແຟນໆ ຫລື ສາວົກໂນເກຍ ທີ່ກຳລັງຈະເລືອກຊື້ Nokia ເຄື່ອງໃຫມ່ ຜູ້ຂຽນກໍ່ຢາກແນະນຳວ່າໃຫ້ຖ້າ Nokia N9 ເຄື່ອງນີ້ເບິງເນາະ.

ທີ່ມາ​ – Nokia