ໃນຊ່ວງທີ່ຜ່ານໆມາ, ຜູ້ກ່ຽວເອງໄດ້ຍິນຄຳຖາມເຂົ້າມາຫລາຍຄຳຖາມ ຈາກບັນດາຫມູ່, ຄົນຮູ້ຈັກ ໃນ Facebook ຫລື ຈາກຜູ້ທີ່ຕິດຕໍ່ຜ່ານເຂົ້າມາທາງຊ່ອງທາງຕິດຕໍ່ຂອງເວັບໄຊຕ໌, ແລະ ໃນມື້ນີ້ກໍ່ເລີຍເລືອກເອົາຫນຶ່ງຄຳຖາມ ມາຂຽນເປັນບົດແນະນຳການປິດການໃຊ້ງານບັນຊີ Facebook ທັ້ງແບບຊົ່ວຄາວ ແລະ ຖາວອນ.

ກ່ອນອື່ນມາເລີ່ມກັນທີ່ການປິດໃຊ້ງານ Facebook ແບບຊົ່ວຄາວ:

1. ທຳອິດໃຫ້ທ່ານເຂົ້າໄປຍັງ Facebook ຂອງທ່ານຕາມປົກກະຕິ, ໂດຍການລັອກອິນດ້ວຍ Email ແລະ ລະຫັດຜ່ານຂອງທ່ານ. ຫລັງຈາກເຮັດການລັອກອິນສຳເລັດຮຽບຮ້ອຍແລ້ວ, ໃຫ້ທ່ານເຂົ້າຄິກເຂົ້າໄປທີ່ລິ້ງນີ້ https://www.facebook.com/deactivate.php

2. ໃນຕອນນີ້ທ່ານຈະຢູ່ທີ່ຫນ້າສອບຖາມລາຍລະອຽດຂອງການປິດບັນຊີ, ເຊິ່ງໃຫ້ທ່ານເລືອກໄປທີ່ “This is temporary. I’ll be back” ແລະ ຫາກບໍ່ຕ້ອງການຮັບອີເມວແຈ້ງເຕືອນໃດໆຈາກການເຄື່ອນໄຫວຂອງຫມູ່ໃນ Facebook ກໍ່ໃຫ້ທ່ານ Check ເອົາ “Email opt out” ແລ້ວຄິກໄປທີ່ປຸ່ມ Confirm.

3. ຫລັງຈາກທີ່ຄິກໄປທີ່ປຸ່ມ Confirm ແລ້ວ, ຈະມີກ໋ອງສຳລັບກອກຂໍ້ມູນເຊິ່ງຈະເປັນການໃສ່ລະຫັດຜ່ານຂອງທ່ານເອງ, ແລະ ໃຫ້ທ່ານໃສ່ລະຫັດລົງໄປໃຫ້ຮຽບຮ້ອຍ ແລະ ຖືກຕ້ອງ. ຫລັງຈາກນັ້ນຄິກໄປທີ່ Deactivate Now.

4. ຫລັງຈາກລະຫັດຜ່ານຖືກຕ້ອງຮຽບຮ້ອຍຫມົດແລ້ວ, ກໍ່ຈະມີກ໋ອງເຊັກຄວາມປອດໄພຂຶ້ນມາ, ເຊິ່ງໃຫ້ທ້ານພິມໂຄ໊ດ ຫລື ໂຕຫນັງສື ທີ່ທ່ານເຫັນໃນຮູບ ລົງໄປໃນຊ່ອງຕື່ມຂໍ້ມູນ. ຫລັງຈາກນັ້ນກໍ່ກົດ Submit ແລະ ຫາກຖືກຕ້ອງກໍ່ເປັນອັນວ່າສຳເລັດຜົນ.

ຫລັງຈາກທຸກຢ່າງຖືກຕ້ອງແລ້ວ, ທ່ານຈະຖືກ Sign Out ອອກຈາກ Facebook ທັນທີ. ພຽງເທົ່ານີ້ກໍ່ຖືວ່າເປັນອັນສິ້ນສຸດການຢຸດໃຊ້ງານ Facebook ແບບຊົ່ວຄາວ, ໂດຍທ່ານສາມາດກັບມາເປີດໃຊ້ໄດ້ເມຶ່ອໃດກໍ່ໄດ້ ພຽງແຕ່ເຂົ້າໄປລັອກອິນຕາມປົກກະຕິ.

—————–

ແຕ່ຫາກໃຜທີ່ບໍ່ຕ້ອງການຫລິນ Facebook ອີກຕໍ່ໄປແລ້ວໃນຊີວິດນີ້ ແລະ ບໍຢາກໃຫ້ມີຂໍ້ມູນຂອງຕົນເອງຕິດຄ້າງຢູ່ໃນ Facebook, ກໍ່ປະຕິບັດຕາມວິທີທາງລຸ່ມນີ້ໄດ້ເລີຍ.

ການປິດບັນຊີ Facebook ແບບຖາວອນ:

1. ກ່ອນອື່ນແມ່ນໃຫ້ທ່ານເຂົ້າໄປຍັງ Facebook ຂອງທ່ານກ່ອນ, ໂດຍການລັອກອິນດ້ວຍ Email ແລະ ລະຫັດຜ່ານຂອງທ່ານ. ຫລັງຈາກເຮັດການລັອກອິນສຳເລັດຮຽບຮ້ອຍແລ້ວ, ໃຫ້ທ່ານເຂົ້າຄິກເຂົ້າໄປທີ່ລິ້ງນີ້ https://www.facebook.com/help/contact.php?show_form=delete_account

2. ຫລັງຈາກຄິກເຂົ້າໄປທີ່ລິ້ງດັ່ງກ່າວແລ້ວ, ຕອນນີ້ທ່ານຈະຢູ່ໃນຫນ້າສອບຖາມ ເພຶ່ອໃຫ້ແນ່ໃຈວ່າທ່ານຕ້ອງການປິດບັນຊີ Facebook ຂອງທ່ານແບບຖາວອນແທ້ຫລືບໍ່. ໃຫ້ທ່ານຄິກໄປທີ່ Submit.

3. ຫລັງຈາກກົດ Submit ແລ້ວ, ຈະມີກ໋ອງກວດເຊັກຄວາມປອດໄພຂຶ້ນມາໃຫ້ທ່ານໃສ່ລະຫັດຜ່ານ ພ້ອມກັບໂຄ໊ດ Captcha. ຂັ້ນຕອນນີ້ໃຫ້ທ່ານໃສ່ທຸກຢ່າງໃຫ້ຖືກຕ້ອງ ແລ້ວຄິກທີ່ Okay.

4. ເມຶ່ອທຸກຢ່າງຖືກຕ້ອງ ແລະຜ່ານຫມົດແລ້ວ, ທ່ານຈະເຫັນກ໋ອງຂໍ້ຄວາມດັ່ງຮູບທາງລຸ່ມນີ້ ຂຶ້ນມາເພຶ່ອບອກວ່າ ບັນຊີຂອງທ່ານນັ້ນຈະຖືກລຶບແບບຖາວອນພາຍໃນ 14ວັນ, ເຊິ່ງໃນລະຫວ່າງນີ້ຫາກທ່ານປ່ຽນໃຈຢາກກັບເຂົ້າມາໃຊ້ຄືນ ທ່ານກໍ່ສາມາດເຮັດໄດ້ ດ້ວຍການເຂົ້າໄປລັອກອິນໃນບັນຊີ Facebook ຂອງທ່ານ ແລ້ວຍົກເລີກຄຳຂໍ ການປິດບັນຊີແບບຖາວອນ.

ສຸດທ້າຍກໍ່ຫວັງບົດຄວາມນີ້ອາດຈະຊ່ວຍຕອບໂຈດໄດ້ພຽງບາງຄົນເທົ່ານັ້ນ, ເພາະຄົນສ່ວນໃຫຍ່ກໍ່ຄືຈະບໍ່ຕ້ອງການປິດບັນຊີ Facebook ຂອງຕົນເອງ. ໂດຍສະເພາະແມ່ນຜູ້ຂຽນເອງແລ້ວ, ເສຍດາຍຂໍ້ມູນທີ່ໄດ້ບັນທຶກລົງໄປ ແລະ ຢາກເກັບມັນໄວ້ຄ້າຍຄືກັບບັນທຶກປະຈຳວັນ.