ກ່ອນຫນ້ານີ້ Facebook ໄດ້ເປີດໂຕແອັບຯທີ່ຊື່ Facebook Messenger ທີ່ບໍລິການຂໍ້ຄວາມທີ່ດຶງເອົາຄວາມສາມາດຂອງ Facebook Chat ແລະ Facebook Message ອອກມາເປັນຫນຶ່ງບໍລິການຍ່ອຍສຳລັບຜູ້ໃຊ້ສະມາດໂຟນ Android ແລະ iOS ໄປແລ້ວ. ຫລັງຈາກນັ້ນບໍ່ດົນກໍ່ມີຂ່າວອອກມາວ່າທາງ Facebook ໄດ້ຊຸ່ມພັດທະນາ Facebook Messenger ເວີຊັ່ນສຳລັບ Windows ເພຶ່ອອອກມາໃຫ້ຂາແຊັດໄດ້ແຊັດກັບຫມູ່ໃນ Facebook ໄດ້ໂດຍທີ່ບໍ່ຕ້ອງເຂົ້າໄປຫນ້າເວັບ.

ຫລ້າສຸດ Facebook Messenger ສຳລັບ Windows ກໍ່ເປັນຄວາມຈິງ, ເພາະຕອນນີ້ໄດ້ມີການປ່ອຍໃຫ້ດາວໂຫລດ Facebook Messenger ເວີຊັ່ນ Windows ທົ່ວອິນເຕີເນັດ, ເຊິ່ງທ່ານສາມາດດາວໂຫລດມາໃຊ້ໄດ້ເລີຍ ແບບບໍ່ຕ້ອງຖ້າການເປີດໂຕຢ່າງເປັນທາງການ. ໂດຍໃນ Facebook Messenger ເວີຊັ່ນ Windows ນີ້ ຈະຍັງຄົງຕ້ອງການ ການເຮັດວຽກຄູ່ກັບເວັບບຼາວເຊີຫລັກຂອງ Windows ຢູ່ດີ. ຫາກທ່ານໃດຕ້ອງການດາວໂຫລດນຳໄປໃຊ້ກ່ອນຫມູ່ ກໍ່ສາມາດດາວໂຫລດໄດ້ທີ່ລິ້ງທາງດ້ານລຸ່ມນີ້.

ດາວໂຫລດ: http://dragon.ak.fbcdn.net/cfs-ak-ash4/84995/940/FacebookMessengerSetup.exe