ຫລ້າສຸດທາງບໍລິສັດ Sony ໄດ້ອອກມາປະກາດທີ່ຈະອັບເກຼດລະບົບປະຕິບັດການ Andriod 4.0 ຫລື  Ice Cream Sandwich ໃຫ້ກັບໂທລະສະມາດໂຟນຂອງຕົນຢ່າງເປັນທາງການແລ້ວ. ເຊິ່ງການປ່ອຍຊຸດອັບເກຼດ  Ice Cream Sandwich ຈະເລີ່ມຂຶ້ນປະມານໃນຊ່ວງທ້າຍເດືອນມີນາ ເຖິງຕົ້ນເດືອນ ເມສາ ປີ 2012, ໂດຍໂທລະສັບຕະກຸນ Xperia ສຸດທຳອິດທີ່ຈະໄດ້ຮັບການອັບເກຼດຜ່ານ OTA ໃນໄລຍະດັ່ງກ່າວນີ່ແມ່ນໄດ້ແກ່:  Xperia arc S, Xperia neo V ແລະ Xperia ray. ຫລັງຈາກນັ້ນໃນຊ່ວງທ້າຍເດືອນເມສາ ເຖິງຕົ້ນເດືອນ ພຶດສະພາ ທາງ Sony ຈະປ່ອຍສຸດອັບເກຼດ Ice Cream Sandwich ໃຫ້ກັບໂທລະສັບຕະກຸນ Xperia ທີ່ເຫລຶອ ເຊິ່ງໄດ້ແກ່: Xperia arc, Xperia PLAY, Xperia neo, Xperia mini, Xperia mini pro, Xperia pro, ແລະ Xperia active.

ສຳລັບໃຜທີ່ເປັນສາວົກຂອງ Sony ຫລື ໃຜທີ່ກຳລັງໃຊ້ງານໂທລະສັບມືຖືທີ່ມີລາຍຊື່ດັ່ງຂ້າງເທິງນີ້ ກໍ່ລໍຖ້າຮັບການອັບເກຼດໄດ້ເລີຍ, ສ່ວນໃຜທີ່ກຳລັງຈະເລືອກຊື້ໂທລະສັບທີ່ເປັນ Android ຈາກ Sony ກໍ່ບໍ່ຕ້ອງລັງເລອີກຕໍ່ໄປວ່າຈະໄດ້ອັບເກຼດຫລືບໍ່.

ທີ່ມາ – Sony Blog