Acer ເປີດໂຕແທັບເລັດ ICONIA Tab A700 ມາພ້ອມ CPU Quad-core
ລາຍງານຫລ້າສຸດ, ໃນງານ CES 2012 ທາງ Acer ກໍ່ໄດ້ເປີດໂຕແທັບເລັດຂະຫນາດຫນ້າຈໍ 10.1 ນິ້ວ ລຸ້ນໃຫມ່ ເຊິ່ງມີຊື່ລຸ້ນວ່າ ICONIA Tab A700, ສຳລັບ A700 ນີ້ຈະມາພ້ອມກັບ CPU Quad-core Tegra 3 ທີ່ມີຄວາມໄວ 1.3GHz (ຈະແຮງໄປໃສ) ມີຫນ່ວຍຄວາມຈຳ ຫລື Ram ຂະຫນາດ 1GB, ຫນ້າຈໍ 10.1ນິ້ວ ເປັນຈໍ IPS ຄວາມລະອຽດ 1080p. ນອກນັ້ນແລ້ວ ໃນຕົວເຄື່ອງຍັງຈະມາກັບພອດ Mini-HDMI, Micro-USB, ຊ່ອງໃສ່ Micro SD card. ໃນສ່ວນຂອງລະບົບປະຕິບັດການແມ່ນຈະມາກັບ Android 4.0.1 ICS ທີ່ປັບແຕ່ງຫນ້າຕາເປັນເວີຊັ່ນຂອງ Acer ທີ່ມາພ້ອມກັບ ເມນູລັດໃນຫນ້າປົດລັອກອີກດ້ວຍ.
ຢ່າງໃດກໍ່ຕາມ, ກຳນົດການວາງຂາຍ ແລະ ລາຍລະອຽດຫລາຍກວ່ານີ້ຍັງບໍ່ມີອອກມາເທຶ່ອ, ແຕ່ຜູ້ຂຽນຄາດໄວ້ວ່າ ອຸປະກອນທີ່ອອກມານຳສະເຫນີໃນງານ CES ກໍ່ຫນ້າຈະອອກວາງຂາຍໃນຊ່ວງກາງປີເຖິງທ້າຍປີ.
(ສຳລັບວິດີໂອການໃຊ້ງານຕົວຢ່າງ ແລະ ຮູບພາບເພີ່ມເຕີມ ຕິດຕາມຕໍ່ຈາກທີ່ມາຂອງຂ່າວ)