ຫລ້າສຸດ ມີຜູ້ໃຊ້ໃນເວັບ XDA-Developer ລາຍງານວ່າໄດ້ຮັບການແຈ້ງເຕືອນໃຫ້ອັບເກຼດລະບົບປະຕິບັດການໃນ HTC Flyer ຂອງຕົນເອງໃຫ້ເປັນ Android 3.2 Honeycomb. ເຊິ່ງໃນລາຍງານຫລັງຈາກນັ້ນ ກໍ່ມີຜູ້ໃຊ້ອີກຫລາຍຄົນມາຍືນຍັນວ່າໄດ້ຮັບແລ້ວ, ໂດຍມີທັງລຸ້ນ 3G ແລະ ລຸ້ນທີ່ເປັນ Wifi ທັງໃນອະເມລິກາ ແລະ ອັງກິດ. ສຳລັບທ່ານໃດທີ່ໃຊ້ HTC Flyer ຢູ່ແຕ່ຍັງບໍ່ໄດ້ຮັບການແຈ້ງເຕືອນໃຫ້ອັບເກຼດ ກໍ່ລອງເຂົ້າໄປເມນູຕັ້ງຄ່າ ແລ້ວໄປກວດເຊັກເບິງໄດ້ແລ້ວມື້ນີ້.

ຢ່າງໃດກໍ່ຕາມ, ຫລັງຈາກທີ່ມີການຖ້າມາດົນ ເລີຍເຮັດໃຫ້ຜູ້ໃຊ້ຄິດວ່າ HTC ອາດຈະຂ້າມໄປອັບເກຼດໃຫ້ເປັນ Android 4.0 ເລີຍ, ແຕ່ກໍ່ຍັງອອກມາເປັນ Android 3.2 ເຊິ່ງກໍ່ເຮັດໃຫ້ຜູ້ໃຊ້ຜິດຫວັງໄປຫນ້ອຍຫນຶ່ງ. ແຕ່ກໍ່ໄດ້ແຕ່ຫວັງວ່າ HTC Flyer ຫນ້າຈະສາມາດອັບເກຼດເປັນ Android 4.0 ໄດ້.

ທີ່ມາ – XDA-Developer ຜ່ານ Engadget