Kinect ສຳລັບ Windows ເປີດໃຫ້ສັ່ງຈອງແລ້ວ, ເລີ່ມວາງຂາຍ ກຸມພາ ນີ້.
ຫລ້າສຸດໃນງານ CES 2012 ທາງ Microsoft ກໍ່ມີຂ່າວດີມາໃຫ້ສາວົກ Windows ໄດ້ດີໃຈ ແລະ ເຮໄປພ້ອມກັນ, ເມຶ່ອທາງ Microsoft ໄດ້ປະກາດວ່າຈະເລີ່ມວາງຂາຍ Kinect ລຸ້ນສຳລັບ Windows ໃນຕົ້ນເດືອນກຸມພາ ນີ້. ເຊິ່ງການວາງຂາຍນັ້ນຈະເລີ່ມວາງຂາຍໃນ 10 ປະເທດ ເຊິ່ງໄດ້ແກ່: ອາເມລິກາ, ອອສຕາລີ, ການາດາ, ຟຣັງ, ເຢຍລະມັນ, ໄອແລນ, ອີຕາລີ, ແມັກຊິໂກ, ນິວຊີແລນ, ສະເປນ, ແລະ ສາທາລະນະລັດ ອັງກິດ. ສ່ວນລາຄາຂາຍຂອງ Kinect ສຳລັບ Windows ນີ້ແມ່ນ $249.99 ຕໍ່ຫນຶ່ງອັນ, ແລະປະຈຸບັນໄດ້ເລີ່ມເປີດໃຫ້ຈອງຜ່ານເວັບໄຊຕ໌ Amazon ຮຽບຮ້ອຍແລ້ວ.