ເປັນຂໍ້ສົງໃນ ແລະ ເປັນສິ່ງທີ່ຜູ້ໃຊ້ຖ້າມາດົນພໍສົມຄວນ ສຳລັບ Google Chrome ເທິງ Android. ຫລ້າສຸດ Google ກໍ່ໄດ້ປ່ອຍ Google Chrome ລຸ້ນທົດລອງສຳລັບ ລະບົບປະຕິບັດການ Android. ຄວາມສາມາດໃນເບື້ອງຕົນຂອງ Google Chrome ສຳລັບ Android ນີ້ກໍ່ບໍ່ນ້ອຍຫນ້າໄປກວ່າລຸ້ນເທິງ PC; ແຖມຍັງສາມາດເຮັດວຽກຮ່ວມກັບ Google Chrome ເທິງ PC ໄດ້ຢ່າງດີອີກດ້ວຍ ເຊັ່ນ:

• ສາມາດຄົ້ນຫາ ແລະ ເຂົ້າເວັບໄດ້ໃນບ່ອນດຽວຄື Address bar ເຊິ່ງ Google ເອີ້ນວ່າ omnibox.
• ສາມາດເປີດ ແລະ ສັບປ່ຽນ ແທັບໄດ້ບໍ່ຈຳກັດ.
• ໃຊ້ບັນຊີ Chrome Store ທີ່ໃຊ້ເທິງຄອມພິວເຕີລັອກອິນ ຈະສາມາດ Sync​ bookmark ແລະ ແທັບທີ່ໄດ້ເປີດປະໄວ້ເທິງຄອມພິວເຕີໄດ້ທັນທີ.
• ສາມາດສົ່ງຫນ້າເວັບຈາກ Chrome ເທິງຄອມພິວເຕີ່ໄປຍັງ ໂທລະສັບ ແລະ ແທັບເລັດ Android ໄດ້ງ່າຍສຸດໆ ແຖມຍັງສາມາດອ່ານແບບ offline ໄດ້ອີກດ້ວຍ.
• ຮອງຮັບການທ່ອງເວັບແບບ private ອີກດ້ວຍ.

ຢ່າງໃດກໍ່ຕາມ, ໃນ Google Chrome ສຳລັບ Android ລຸ້ນທົດລອງນີ້ຈະສາມາດໃຊ້ງານເທິງ Android 4.0 ຂຶ້ນໄປເທົ່ານັ້ນ ຫາກໃຜທີ່ໃຊ້ງານ Android 4.0 ຢູ່ ກໍ່ລອງໄປດາວໂຫລດມານຳໃຊ້ໄດ້ເລີຍຈາກ https://market.android.com/details?id=com.android.chrome