ໃນງານ MWC 2012 ທາງ Samsung ກໍ່ບໍ່ນ້ອຍຫນ້າ, ນຳເອົາແທັບເລັດຂອງຕົນເອງໄປປະກາດເປີດໂຕ ເຊິ່ງໄດ້ຊື່ລຸ້ນວ່າ Galaxy Note 10.1. ສຳລັບ Galaxy Note 10.1 ຈະເປັນແທັບເລັດທີ່ຫນ້າຕາຄ້າຍໆກັບ Galaxy Tab. ແຕ່ລຸ້ນ Galaxy Note 10.1 ຈະເປັນອີກຫນຶ່ງຕະກຸນ (ທີ່ເຮັດອອກມາໃຫ້ສັບສົນ) ທີ່ມາກັບສະເປັກທີ່ສູງພໍສົມຄວນ ຄືມັນຈະມາກັບຫນ້າຈໍ 10.1ນິ້ວ ທີ່ເປັນຈໍ WXGA 1280 x 800, CPU ຄວາມໄວ 1.4GHz ເປັນ dual-core, ມີ Ram ຂະຫນາດ 1GB, ມີກ້ອງຫນ້າ 2ລ້ານພິກເຊວ ແລະ ກ້ອງຫລັງ 3ລ້ານພິກເຊວ, ມີຂະຫນາດຄວາມຈຳໃນໂຕເຄື່ອງໃຫ້ເລືອກຕັ້ງແຕ່ 16GB, 32GB ແລະ 64GB ພ້ອມນັ້ນ ເປັນທີ່ແນ່ນອນກໍ່ຄື ມັນຈະມາກັບ Android 4.0

ຢ່າງໃດກໍ່ຕາມ, ລາຄາ ແລະ ກຳນົດວາງຂາຍຍັງບໍ່ທັນອອກມາຢ່າງເປັນທາງການ, ຫາກມີການອັບເດດແນວໃດ, ທາງຜູ້ຂຽນຈະນຳມາອັບເດດທັນທີ.

ທີ່ມາ – Engadget