ເຊຶ່ອວ່າທ່ານຜູ້ອ່ານຫລາຍຄົນກໍ່ອາດຈະຄຸ້ນຫູ ຫລື ອາດຈະກຳລັງໃຊ້ຢູ່ ສຳລັບໂປຼແກຼມເບິງຫນັງທີ່ຄອບຈັກກະວານຢ່າງ VLC Media Player ທີ່ປະຈຸບັນໄດ້ອັບເດດ ແລະ ອອກເວີຊັ່ນໃຫມ່ແລ້ວ ເຊິ່ງເປັນເວີຊັນ 2.0 ແລະມີຊື່ Code Name ວ່າ  Twoflower. ເຊິ່ງໃນ VLC 2.0 ນີ້ ກໍ່ຈະມີການປັບປຸງຂຶ້ນມາຫລາຍໆຢ່າງເຊັ່ນ: ຖອດລະຫັດໄຟລ໌ມີເດຍໄດ້ໄວຂຶ້ນ ເທິງ CPU ແບບຫລາຍແກນສະຫມອງ ລວມໄປເຖິງ GPU, ຮອງຮັບໄຟລ໌ມີເດຍປະເພດອື່ນໆເພີ່ມຂຶ້ນມາອີກ.

ນອກນັ້ນແລ້ວ VLC 2.0 ຍັງມີການປັບປຸງຫນ້າຕາໃຫມ່ເລັກນ້ອຍ, ປັບປຸງຄຸນນະພາບຂອງ Subtitles ໃຫ້ຄົມຊັດຂຶ້ນ, ປັບປຸງຄວາມລະອຽດຂອງວິດີໂອໃຫ້ດີຂຶ້ນ ແລະ ຍັງຮອງຮັບການຫລິ້ນຈາກແຜ່ນ BluRay ໄດ້ອີກດ້ວຍ. ຢ່າງໃດກໍ່ຕາມ VLC ເທິງລະບົບປະຕິບັດການ Mac OS X ຈະມີການປັບປຸງຫນ້າຕາໃຫ້ສວຍງາມແລະ ຫນ້າໃຊ້ຂຶ້ນ ໃຫ້ເຫມາະສົມກັບຫນ້າຕາຂອງ Mac OS X.

ສຳລັບໃຜທີ່ໃຊ້ງານ VLC ຢູ່, ກໍ່ລອງອັບເດດ ຫລື ໄປດາວໂຫລດເວີຊັ່ນ 2.0 ມາໃຊ້ເບິງເນາະ, ເພາະເພີ່ນໄດ້ມີການແກ້ໄຂຂໍ້ປົກພ່ອງຕ່າງໆຫລາຍຮ້ອຍໂຕ, ເຊິ່ງອາດຈະເຮັດໃຫ້ VLC ໃຊ້ງານໄດ້ດີ ແລະ ໄວຂຶ້ນ.

ດາວໂຫລດ – http://www.videolan.org/vlc/