ລາຍງານຂ່າວຫຼ້າສຸດບໍລິສັດຍັກໃຫຍ່ອັນດັບນຶ່ງຂອງໂລກ ບໍລິສັດ Apple Inc ໄດ້ປະກາດເປີດໂຕ iPhone ລຸ້ນໃຫມ່ສອງລຸ້ນທີ່ຊາວໂລກລໍຖ້າກໍ່ຄື iPhone 6S ແລະ iPhone 6S Plus.

ທັງສອງຫຼຸ້ນນີ້ໄດ້ຮັບການປັບປຸ່ງພາຍໃນໃຫມ່ເກືອບທັງໝົດ ແຕ່ຍັງຄົງຮັກສາສະພາບໜ້າຕາລຸ້ນເກົ່າຂອງ iPhone 6 ແລະ iPhone 6Plus ໄວ້ຢູ່. ສຳລັບ iPhone 6S ແລະ iPhone 6S Plus ນີ້ມີລູກຫຼິ້ນ ແລະ ຄວາມສາມາດໃຫມ່ຫຼັກໆດັ່ງຕໍ່ໄປນີ້

• ລະບົບ 3D Touch ຫຼື ລະບົບສຳພັດແບບສາມມິຕິ ເປັນການເພີ່ມມິຕິໃໝ່ໃນການຫຼິ້ນເກມແລະໃຊ້ງານແອັບຯ
• ມີໂຕເຄື່ອງທີ່ແຂງແກ່ນກວ່າລຸ້ນ iPhone 6 ແລະ iPhone 6Plus
• ໜ້າຈໍແກ້ວທີ່ແຂງທົນກວ່າໂທລະສັບລຸ້ນອື່ນໆລວມທັງ iPhone 6 ແລະ iPhone 6Plus
• ໃຊ້ CPU ໜ່ວຍປະມວນຜົນໃຫມ່ A9 ທີ່ມາພ້ອມກັບຊິບ M9 ທີ່ແຮງແລະໄວກວ່າ iPhone ລຸ້ນເກົ່າ
• ເພີ່ມການຮອງຮັບລະບົບ LTE ໄດ້ຫຼາຍເຄືອຂ່າຍ ແລະ ຮອງຮັບຄວາມໄວໄດ້ເຖິງ 300Mbps
• ມີກ້ອງຫຼັງ iSight Camera ໂຕໃຫມ່ທີ່ຂະຫນາດ 12ລ້ານພິກເຊວ ຮອງຮັບການຖ່າຍວິດີໂອ HD ແບບ 4K ໄດ້
• ກ້ອງໜ້າເປັນກ້ອງ 5 ລ້ານພິກເຊວ ພ້ອມກັບການນຳໃຊ້ໜ້າຈໍໃຫ້ເປັນ Flash ໃນເວລາຖ່າຍຮູບໄດ້ ເນື່ອງຈາກຄວາມຄົມຊັດຂອງເມັດສີໃນໜ້າຈໍ Apple ຮ້ອງຄວາມສາມາດ Flash ນີ້ວ່າ Retina Flash
• ມີຄວາມສາມາດໃຫມ່ເພີ່ມເຂົ້າມາຊື່ວ່າ Live Photos ເຊິ່ງເປັນການຖ່າຍຮູບເຄື່ອນໄຫວ ເຮັດໃຫ້ຮູບມີຊີວິດຊີວາ ແລ້ວບອກກ່າວປະສົບການ

ສຳລັບ iPhone 6S ແລະ 6S Plus ມີຂະຫນາດເທົ່າກັບລຸ້ນທີ່ຜ່ານມາຄື 4.7ນິ້ວ ແລະ 5.5ນິ້ວ. ສຳລັບ iPhone 6S ແລະ 6S Plus ຈະມີໃຫ້ເລືອກທັງໝົດ 4 ສີດ້ວຍກັນຄື: ເງິນ (Silver), ດຳ (Space Gray), ທອງ (Gold), ແລະ ທອງບົວ (Rose Gold). ມີຂະຫນາດໃຫ້ເລືອກ 16GB, 64GB, ແລະ 128GB

ສຳລັບເລື່ອງລາຄາຂອງເຄື່ອງປົດລັອກແມ່ນເທົ່າກັບລາຄາຂາຍ (Unlocked International) ຂອງ iPhone 6 ແລະ iPhone 6Plus ໃນປີທີ່ຜ່ານມາເຊິ່ງມີດັ່ງນີ້

ກຳນົດການວາງຂາຍແມ່ນວັນທີ 25 ກັນຍາ 2015 ໃນປະເທດຕ່າງໆດັ່ງລຸ່ມນີ້:

• Australia
• Cannada
• China
• France
• Germany
• Hong Kong
• Japan
• New Zealand
• Purto Rico
• Singapore
• UK
• U.S.A

ສຳລັບໃຜທີ່ມີພີ່ນ້ອງ ຫຼື ກຳລັງຢູ່ໃນປະເທດເຫຼົ່ານີ້ແມ່ນສາມາດຫາຊື້ໄດ້ເລີຍໃນວັນທີ 25 ນີ້ໃນລາຄາທາງດ້ານເທິງ