ຫຼາຍຄົນອາດຈະເຫັນຂ່າວໄປແລ້ວ ວ່າ iOS 13 ໄດ້ເປີດໂຕແລ້ວໃນງານ WWDC 2019 ເຊິ່ງໃນ iOS 13 ກໍ່ມີຄວາມສາມາດຫຼາກຫຼາຍເພີ່ມເຂົ້າມາລວມທັງ Dark Mode. ນອກນັ້ນໃນ iOS 13ເອງ ແມ່ນ iPad ໄດ້ມີການແຍກ OS ອອກມາໂດຍໃສ່ຊື່ວ່າ iPadOS ແນ່ນອນມີຄວາມສາມາດເດັ່ນໆເພີ່ມຂຶ້ນມາຫຼາຍ. ສາມາດເບິ່ງລາຍລະອຽດທັງໝົດໄດ້ທີ່ລິ້ງທາງດ້ານລຸ່ມໄດ້

iPadOS: https://www.apple.com/ipados/ipados-preview/
iOS 13: https://www.apple.com/ios/ios-13-preview/

ແຕ່ທີ່ຂຽນບົດຄວາມນີ້ຂຶ້ນມາ ກໍ່ເພື່ອ (ຕາມຫົວຂໍ້ເລີຍ) ແຈ້ງໃຫ້ຮູ້ວ່າໃນ iOS 13 ແລະ iPadOS ແມ່ນ Apple ໄດ້ຝັງແປ້ນພິມພາສາລາວເຂົ້າໄປຢ່າງເປັນທາງການແລະເປັນທີ່ຮຽບຮ້ອຍແລ້ວ ທັງ iPad ແລະ iPhone.

ນອກຈາກຝັງແປ້ນພິມເຂົ້າໄປແລ້ວ ຄວາມສາມາດທີ່ຄົນໃຊ້ iPad ຫຼາຍໆຄົນລໍຖ້າມາຫຼາຍປີກໍ່ຄືການພິມພາສາລາວໄດ້ໂດຍຜ່ານແປ້ນພິມທາງດ້ານນອກ ຫຼື Smart Keyboard ນັ້ນເອງ.