ມາຖ່າຍຮູບເອົາໂຕເອງດ້ວຍໄອໂຟນ ແບບງ່າຍແສນງ່າຍ
ຫລາຍຄົນພະຍາຍາມໃຊ້ກ້ອງເທິງໄອໂຟນ (iPhone) ຖ່າຍຮູບຕົວເອງ ຊຶ່ງກໍບໍ່ແມ່ນເລື່ອງງ່າຍ ເພາະຫລາຍເທື່ອທີຕ້ອງຖ້າລົບພາບທີ່ໄດ້ ເພາະພາບທີ່ອອກມາບໍ່ຖືກຕຳແໜ່ງ ຫູຂາດ ໜ້າແຫວ່ງ ແສງບໍ່ງາມຫລືອື່ນໆ ບັນຫານີ້ຈະໝົດໄປ ເມື່ອທ່ານມີ iSnapMe ຊຸດອຸປະກອນເສີມການເຮັດວຽກທີ່ຈະຊ່ວຍໃຫ້ທ່ານບໍ່ຕ້ອງເລັງຖ່າຍພາບຕົວເອງແບບລຸ້ນໆ (ວ່າຈະງາມ ຫລືບໍ່?) ອີກຕໍ່ໄປ
ໄອເດຍຂອງ iSnapMe ອຸປະກອນເສີມຊ່ວຍຖ່າຍພາບຕົວເອງດ້ວຍໄອໂຟນ (Self-Portrait Adaptor for iPhone) ງ່າຍຫລາຍ ແລະບໍ່ໄດ້ໃຊ້ເທກໂນໂລຍີໄຮເທກຯແຕ່ຢ່າງໃດ ແຕ່ກັບແກ້ບັນຫາພື້ນໆ ຂອງການໃຊ້ກ້ອງຖ່າຍທີ່ຢູ່ດ້ານຫລັງໄອໂຟນທີ່ເຮັດໃຫ້ເບິ່ງບໍ່ເຫັນໜ້າຈໍຂອງພາບທີ່ ກຳລັງຈະຖ່າຍ ດ້ວຍອຸປະກອນທີ່ເຮົາຮູ້ຈັກກັນດີນັ້ນກໍຄື “ເເວ່ນສະທ້ອນແສງ” ໂດຍ iSnapMe ໄດ້ຮັບການອອກແບບໃຫ້ມີລັກສະນະເປັນແວນມາພ້ອມກັບຕົວດູດສູນຍາກາດ (ຄ້າຍກັບທີໃຊ້ຕິດທີ່ແຂວນເທິງແຜ່ນກະເບື້ອງໃນຫ້ອງນ້ຳ) ເອົາໄວ້ຕິດດ້ານຫລັງໄອໂຟນ ຊຶ່ງຕຳແໜ່ງ ແລະລະຍະຫ່າງຂອງກະເເວ່ນຈະໄດ້ຮັບການອອກແບບໃຫ້ສະທ້ອນພາບຕົວເຈົ້າເຂົ້າໄປໃນເລນສ໌ກ້ອງ ເພື່ອໃຫ້ເບິ່ງ-ເຫັນຈາກໜ້າຈໍໄອໂຟນໄດ້ຢ່າງເຕັມຕາ ໄອເດ່ຍງ່າຍໆ ສ່ຳນີ້ກໍເຮັດເປັນສິນຄ້າອອກມາຂາຍໄດ້ແລ້ວ iSnapMe ລາຄາຊຸດລະ 19.95 ຫລຽນຯ