Search Twitter ຈະໂຄ່ນບັນລັງ Google ແທ້ຫລືບໍ່ ?
ຍ້ອນກັບໄປເມື່ອປີທຳອິດທີ່ທະວິດເຕີລ໌ (Twitter) ປະກາດເປີດຕົວຄຸນສົມບັດການຄົ້ນຫາ (search) ພ້ອມທັງລົມໂຄວ່າ Twitter ຈະເປັນຜູ້ກຸມອຳນາດ ເສິດລ໌ ລາຍຕໍ່ໄປຖັດຈາກ Google ຊຶ່ງຄຳທຳນາຍໃນມື້ນັ້ນເບິ່ງຄືຈະເປັນຫຍັງທີ່ອະລັງການຫລາຍ ແຕ່ດ້ວຍອັດຕາການເຕີບໂຕແບບພຸ່ງພວດຂອງບໍລິການໄມໂຄບຼ໊ອກແຫ່ງນີ້ ບາງທີເຮົາອາດຈະຫົວຂັວນຄຳເວົ້າທີ່ໃຫຍ່ໂອ້ອວດໃນອະດີດນີ້ບໍ່ໄດ້ແລ້ວ
ອ້າງອິງຂໍ້ມູນຈາກຄຳກ່າວຂອງ Biz Stone ຜູ້ຮ່ວມກໍ່ຕັ້ງເວັບໄຊຕ໌ Twitter ຊຶ່ງອອກມາເປີດເຜີຍວ່າ ມີຜູ້ໃຊ້ບໍລິການ ເສິດລ໌ ຂອງທະວິດເຕີລ໌ຫລາຍເຖິງ 800 ລ້ານເທື່ອຕໍ່ມື້ ຫລືຄິດເປັນ 24 ພັນລ້ານເທື່ອຕໍ່ເດືອນ ຕົວເລກດັ່ງກ່າວຫລາຍກວ່າຂອງ Yahoo ທີ່ມີຢູ່ແຄ່ 9.4 ພັນລ້ານເທື່ອ ແລະ Bing ທີ່ 4.1 ພັນລ້ານເທື່ອ ຢ່າງໃດກໍຕາມ ແມ່ນຈະມີຈຳນວນ ເສິລ໌ດທີ່ຫລາຍຂະໜາດນັ້ນ ແຕ່ເມື່ອທຽບກັບໝາຍເລກໜຶ່ງຢ່າງ Google ອາດຈະຍັງຫ່າງໄກພໍສົມຄວນ ເພາະໃນແຕ່ລະເດືອນມີການໃຊ້ບໍລິການ ເສິລ໌ດຂອງຍັກໃຫຍ່ຫລາຍກວ່າ 88 ພັນລ້ານເທື່ອ. ເຖິງແມ່ນຍັງຈະຫ່າງໄກສຳລັບການທີ່ຈະບອກວ່າ Twitter ຈະເປັນ ” The Next Google” ແຕ່ຜົນງານຂອງມັນຕ້ອງຖືວ່າເຮັດໄດ້ດີພໍສົມຄວນ
ນອກຈາກ Stone ຈະອອກມາເປີດເຜີຍຄວາມສຳເລັດຂອງຕົວເລກດັ່ງກ່າວແລ້ວ ພວກເຂົາກໍຍັງຄົງຢືນຢັນວ່າ “Twitter ມີລັກສະນະເໝືອນເຄືອຂ່າຍຂໍ້ມູນຫລາຍກວ່າຈະເປັນແຫລ່ງຂ່າວ” ເໜືອອື່ນໃດ ມັນຍັງເປັນ ເສິລ໌ດທີ່ລຽວທາມ໌ຫລາຍທີ່ສຸດໃນປະຈຸບັນ ຊຶ່ງຍາກທີ່ຈະຫາເສິລ໌ດຕົວໃດທຽບໄດ້ ເຊື່ອວ່າ Google ບໍ່ໜ້າຈະຕົກໃຈກັບຄຳກ່າວນີ້ປານໃດ ເພາະສິ່ງທີ Twitter ຕ້ອງແກ້ບັນຫາໃຫ້ໄດ້ກໍຄື ສະຖຽນລະພາບການເຮັດວຽກງານຂອງລະບົບທີ່ມັກລົມຢູ່ສະເໝີເວລາທີມີ event ສຳຄັນໆ ເກີດຂຶ້ນໃນໂລກອອນໄລນ໌ ທ່ານຜູ້ອ່ານສາມາດເຂົ້າໄປໃຊ້ບໍລິການ ຕະຫລອດຈົນຕິດຕາມແນວໂນ້ມຂອງຄວາມສົນໃຈລ່າສຸດແບບລຽວທາມ໌ໄດ້ທີ່ http://www.twitter.com/search