Hacker ໂຊດັກຈັບສັນຍານ GSM ລະບຸໃຫ້ເຫັນເຖິງຊ່ອງໂຫວ່ GSM
ໃນງານ DefCon 2010 ທີ່ຈັດຂຶ້ນໃນລາສເວກັດ Chris Paget ແຮກເກີລ໌ໜຸ່ມໄດ້ສາທິດການເຮັດວຽກຂອງອຸປະກອນທີ່ພວກເຂົາສ້າງຂຶ້ນ ດ້ວຍເງີນລົງທຸນ 1,500 ຫລຽນຯ ແຕ່ສາມາດດັກຈັບສັນຍານການໃຊ້ງານໂທລະສັບມືຖື GSM ຫລືແມ່ນແຕ່ບັນທຶກຖ້ອຍຄຳຂອງການສົນທະນາຂອງຄູ່ສາຍໄດ້ອີກດ້ວຍ!!!
Chris Paget ນັກວິໄຈລະບົບຮັກສາຄວາມປອດໄພໄດ້ສາທິດອຸປະກອນຂອງພວກເຂົາທີ່ ປະກອບດ້ວຍເສົາອາກາດ ຄື້ນວິດຍຸ ແລະໂນ້ດບຸ໊ກໃນງານ DefCon 2010 ໂດຍສາມາດດັກຈັບສັນຍານະມືຖື GSM ຂອງຜູ້ເຂົ້າຮ່ວມປະຊຸມໄດ້ເຖິງ 17 ລາຍ ແຖມຍັງບັນທຶກໝາຍເລກທີ່ຜູ້ໃຊ້ງານຕິດຕໍ່ຢູ່ໄດ້ອີກດ້ວຍ ສຳລັບ ວັດຖຸປະສົງ ຂອງການສາທິດເທື່ອນີ້ ພວກເຂົາຕ້ອງການຊີ້ໃຫ້ເຫັນເຖິງຊ່ອງໂຫວ່ຂອງລະບົບ GSM ທີ່ເປີດໂອກາດໃຫ້ມືຖືສາມາດເຊື່ອມຕໍ່ສັນຍານໂດຍກົງເຂົ້າກັບ ເສົາທີມີສັນຍານແຮງ ທີສຸດ ຊຶ່ງໃນທີ່ນີ້ກໍຄື ເສົາໂທລະສັບຂອງ Paget ທີໃຊ້ໃນການສາທິດເທື່ອນີ້ນັ້ນເອງ
Paget ເປີດເຜີຍວ່າ ອຸປະກອນຂອງພວກເຂົາສາມາດດັກຈັບສະເພາະຟັງຜູ້ໂທອອກເທົ່ານັ້ນ ແລະ caller ID ທີ່ໄດ້ຍັງສາມາດນຳໄປສູ່ການລະບຸຕົວຕົນເຈົ້າຂອງເຄື່ອງໄດ້ອີກ ດ້ວຍ “GSM ຖືກເຈາະແລ້ວ” Paget ກ່າວ ປະເດັນທີ່ໜ້າເປັນກັງວົນກໍຄື ຜົນງານຂອງພວກເຂົາໄດ້ສະແດງໃຫ້ເຫັນວ່າ ຜູ້ບໍ່ຫວັງດີສາມາດໃຊ້ອຸປະກອນທີ່ບໍ່ຕ້ອງມີລາຄາສູງເທົ່າໃດ ແຖມຍັງເປັນອຸປະກອນທີມີມານັບສິບປີແລ້ວ ທີ່ສຳຄັນຫາພົບໄດ້ເທິງອິນເຕີເນັດ ໃນຂະນະທີ່ອຸປະກອນດັກຈັບສັນຍານທີ່ໃຊ້ງານຈິງຈະມີລາຄາຫລາຍແສນ ຫລຽນຯ
ຢ່າງໃດກໍຕາມຊ່ອງໂຫວ່ທາງກົດໝາຍຍັງຄົງມີຢູ່ເຊັ່ນໃນງານ Defcon ທີ່ຈັດໃນສະຫລັດຯ ຄື້ນ 900MHz ນັ້ນເປັນຄື້ນວິດຍຸສະໝັກຫລິ້ນ ຂະນະທີ່ໃນເອີຣົບນັ້ນ ຄື້ນ 900MHz ເປັນຄື້ນທີ່ໃຊ້ສຳລັບ GSM ຢ່າງໃດກໍຕາມຕົວໂທລະສັບນັ້ນມັກຈະຮັບຄື້ນໄດ້ຫລາຍຍ່ານຄວາມທີ່ ແລະຈະຕໍ່ກັບເສົາທີ່ຄື້ນແຮງທີ່ສຸດສະເໝີ