ບໍລິການຍໍ້ລິ້ງຂອງ google ສາມາດມີ QR Code ໄດ້ທັນທີ
Google ໄດ້ເປີດເວັບໄຊຕ໌ໃຫ້ບໍລິການຍໍ້ URL ຊື່ວ່າ Goo.gl ຊຶ່ງຊ່ວຍໃຫ້ຜູ້ໃຊ້ສາມາດຍໍ້ລິ້ງຍາວໆ ຂອງໜ້າເວັບໃຫ້ເຫລືອຕົວອັກສອນສັ້ນໆ ເພື່ອເຮັດໃຫ້ງ່າຍຕໍ່ການແບ່ງປັນໃຫ້ກັບຄົນອື່ນໆ
ຄວາມຈິງແລ້ວສຳລັບບໍລິການດັ່ງກ່າວກໍ່ເປີດມາດົນພໍສົມຄວນແລ້ວ ແຕ່ Goo.gl ຂອງ Google ກໍມີລູກຫລິ້ນທີ່ໜ້າສົນໃຈມາໃຫ້ຜູ້ໃຊ້ດ້ວຍຄືກັນ ຫລືຈະເອີ້ນວ່າເປັນ Easter Egg ກໍພໍໄດ້ ໂດຍນອກຈາກຈະຫຍໍ້ URL ແລະເກັບສະຖິຕິໃຫ້ແລ້ວ ບໍລິການຂອງ Google ຈະສາມາດໃຫ້ຜູ້ໃຊ້ປ່ຽນລິ້ງເປັນ QR code ໄດ້ດ້ວຍ ພຽງໃສ່.qr ເຂົ້າໄປທີ່ທາງຫລັງ URL ທີ່ຫຍໍ້ແລ້ວ ເວລານຳໄປແປະໃນເວັບ ມັນກໍຈະສະແດງຜົນອອກມາເປັນ QR code ໃຫ້ໂດຍອັດຕະໂນມັດ ແນວຄິດທີ່ເພີ່ມຄຸນສົມບັດນີ້ເຂົ້າໄປກໍເນື່ອງຈາກ QR code ຈະເໝາະສົມກັບຜູ້ໃຊ້ມືຖື ເນື່ອງຈາກສາມາດໃຊ້ແອບຯອ່ານ QR code ເພື່ອລິ້ງເຂົ້າໄປຫາເວັບໄຊຕ໌ໄດ້ທັນທີ
ຍົກຕົວຢ່າງ: ຫລັງຈາກທີ່ຍໍ້ລິ້ງແລ້ວ ໃນນີ້ແມ່ນຍໍ້ລິ້ງເຂົ້າມາຍັງເວັບໄຊຕ໌ຂອງພວກເຮົາຈະໄດ້ URL ໃຫມ່ເປັນ http://goo.gl/emTY ຖ້າຢາກໄດ້ເປັນ QR code ກໍ່ໃສ່ເປັນ http://goo.gl/emTY.qr ເຮົາຈະເຫັນ .qr ຢູ່ທາງຫລັງ. ພຽງເທົ່ານີ້ກໍ່ຈະໄດ້ QR code ໃນລິ້ງຂອງເຮົາແລ້ວ.
