Yahoo ປັບລະບົບການ Search ເທຶ່ອໃຫຍ່ ແບບຍົກເຄື່ອງ
ລາຍງານຂ່າວລ່າສຸດ Yahoo ກຳລັງສົ່ງປະສົບການໃໝ່ໃຫ້ກັບຜູ້ໃຊ້ບໍລິການເສິດເອັນຈິ້ນຂອງທາງບໍລິສັດດ້ວຍການຈັດ ລະບຽບຜົນການຄົ້ນຫາໃຫ້ກະຊັບ ສາມາດເບິ່ງເຫັນ ແລະເຂົ້າເຖິງສ່ວນໃຊ້ງານຕ່າງໆ ໄດ້ວ່ອງໄວຂຶ້ນດ້ວຍແທັບ (tab) ແຖມຍັງຍົກເຄື່ອງບໍລິການຄົ້ນຫາເທິງມືຖື ລວມເຖິງການນຳສະເໜີປະເດັນຮ້ອນທີ່ມີການສືບຄົ້ນເທິງ Yahoo ທີ່ໜ້າໂຮມເພດໃຫ້ຜູ້ໃຊ້ເຂົາເຖິງໄດ້ໂດຍສະດວກດ້ວຍ
ການປັບໂສມເທື່ອນີ້ຍັງລວມເຖິງການເພີ່ມຄວາມສະຫລາດໃນການຄົ້ນຫາດ້ວຍເຊັ່ນ: ເມື່ອຜູ້ໃຊ້ຄົ້ນຫາຂໍ້ມູນກ່ຽວກັບວົງການບັນເທີງ ຫລືຫົວຂໍ້ຂ່າວທີ່ກ່ຽວຂ້ອງ ແທນທີ່ຈະສະແດງລາຍການຜົນການຄົ້ນຫາຍາວໆກໍຈະປ່ຽນເປັນກ່ອງຜົນການຄົ້ນຫາທີ່ມາພ້ອມ ກັບແທັບໃນແນວຕັ້ງ ຊຶ່ງຊ່ວຍໃຫ້ຜູ້ໃຊ້ສາມາດເຂົ້າເຖິງຜົນການຄົ້ນຫາດ້ວຍວິທີຕ່າງໆ ຕົວຢ່າງເຊັ່ນ: ຖ້າພິມຊື່ຫນັງເຂົ້າໄປ ທ່ານຈະໄດ້ຜົນລັບເປັນຂ່າວລ່າສຸດກ່ຽວກັບໜັງເລື່ອງນັ້ນໆໃນແທັບ ” Overview” ແລະສາມາດອ່ານລີວິວໜັງເລື່ອງດັ່ງກ່າວໃນແທັບ “Stories” ຫລືເບິ່ງຕົວຢ່າງໜັງໃນແທັບ ” Videos” ຫລືຕິດຕາມກະແສສັງຄົມກ່ຽວກັບໜັງໃນແທັບ ” Twitter”
ການ ປັບໂສມຂອງ Yahoo ເຮັດໃຫ້ມັນແຕກຕ່າງຈາກ Bing ຂອງ Microsoft ຢ່າງສິ້ນເຊີງ ເຖິງວ່າທັງສອງເວັບໄຊຕ໌ຈະຕັ້ງຢູ່ເທິງພື້ນຖານເທກໂນໂລຍີດຽວກັນ ຢ່າງໃດກໍດີ ເຫດຜົນສຳຄັນຄື Yahoo ຕ້ອງການເຮັດໃຫ້ ເສິດເອັນຈິ້ນມີຄວາມກະຊັບຫລາຍຂຶ້ນ ແລະຄົ້ນຫາໄດ້ຕົງຕາມຄວາມຕ້ອງການ ແທນທີ່ຈະໃຫ້ຜູ້ໃຊ້ຕ້ອງໄປຫາຈາກລາຍການລິ້ງຜົນການຄົ້ນຫາທີ່ຍາວໆ ຊຶ່ງນອກຈາກຈະເຮັດໃຫ້ຜົນການຄົ້ນຫາໃນການຄົ້ນຫາງ່າຍ ແລະຕົງຂື້ນຕໍ່ຄຳຕອບທີ່ຕ້ອງການໄດ້ໄວຂຶ້ນແລ້ວ Yahoo ຍັງພະຍາຍາມຊ່ວຍຕັດສິນໃຈສິ່ງທີ່ຜູ້ໃຊ້ກຳລັງຈະຄົ້ນອີກດ້ວຍ ຢ່າງເຊັ່ນ: ເມື່ອຜູ້ໃຊ້ພິມຊື່ນັກດົນຕີເຂົ້າໄປໃນຊ່ອງເສິດ Yahoo ຈະແນະນຳຊື່ຕ່າງໆ ທີ່ກ່ຽວຂ້ອງໃຫ້ອີກດ້ວຍ ຍິ່ງໄປກວ່ານັ້ນມຸມເທິງເບື້ອງຂວາຂອງໂຮມເພດໃໝ່ Yahoo ຍັງສະແດງລາຍການຫົວຂໍ້ທີ່ກຳລັງໄດ້ຮັບຄວາມສົນໃຈ ແລະເມື່ອຄິກເທິງລິ້ງເຫລົ່ານີ້ ຜູ້ໃຊ້ຈະຖືກພາໄປຍັງໜ້າຜົນລັບເລື່ອງດັ່ງກ່າວໂດຍສະເພາະ
ບໍ່ພຽງແຕ່ Yahoo ຈະປັບໂສມໂຮມເພດໃຫ້ບໍລິການເທິງຄອມພິວເຕີເທົ່ານັ້ນ ແຕ່ມັນຍັງມີການປັບປ່ຽນໜ້າເວັບໃຫ້ບໍລິການເທິງມືຖືດ້ວຍການໃຊ້ເທກໂນໂລຍີ HTML5 ອີກດ້ວຍ ຕົວຢ່າງເຊັ່ນ ການຄົ້ນຫາລາຄາຫຸ້ນຫລາຍຕົວຈະເຮັດໃຫ້ຜູ້ໃຊ້ໄດ້ພົບກັບລາຄາລ່າສຸດ ແລະລາຍງານຂ່າວທີ່ກຽວຂ້ອງກັບຫຸ້ນຕົວນັ້ນ ຕາມດ້ວຍລາຍການຜົນລັບ ໂດຍສາມາດໃຊ້ບໍລິການໄດ້ທີ່ m.yahoo.com