YouTube ເລີ່ມເປີດໃຫ້ເຊົ່າຫນັງເເລ້ວ
ລາຍງານຂ່າວລ່າສຸດ ເວັບໄຊ໌ຢູທູບ (YouTube) ຂອງກູເກີ້ນ (Google) ຕຽມເປີດໃຫ້ບໍລິການເຊົ່າຫນັງເຕັມເລື່ອງ ແລະລາຍການທໍລະທັດອອນໄລນ໌ ເຊັ່ນດຽວກັບ ບລັອກບັດເຕີລ໌ (Blockbuster) ແລະເນັດຟລິກ (Netflix) ທີ່ຖືວ່າເປັນສອງຍັກໃຫຍ່ໃນທຸລະກິດນີ້…
ນອກຈາກສອງຍັກໃຫຍ່ ທີ່ຄຸກຝຸ່ນຢູ່ໃນທຸລະກິດນີ້ໂດຍກົງຢູ່ແລ້ວ Amazon ແລະ Apple ເອງກໍໃຫ້ບໍລິການເຊົ່າລາຍການທໍລະທັດ ແລະຫນັງຜ່ານທາງອິນເທີລ໌ເນັດດ້ວຍເຊັ່ນກັນ ບໍ່ນັບລວມຮ້ານຄ້າທີ່ເປີດໃຫ້ເຊົ່າແຜ່ນໜັງ ການເຂົ້າສູ່ຕະຫລາດນີ້ຂອງຍູທູບຈຶ່ງບໍ່ແມ່ນເລື່ອງງ່າຍຫລາຍ ແຕ່ກໍມີອີກຫລາຍບໍລິສັດທີ່ກະໂດດເຂົ້າທຸລະກິດນີ້ ແມ່ນກະທັ່ງ Hulu ທີ່ແຕ່ເດີມໃຫ້ເບິງຫນັງຟຣີ ແລກກັບການຊົມໂຄສະນາກໍຍັງຕຽມເປີດໃຫ້ບໍລິການໃນຮູບ ແບບເກັບຄ່າສະມາຊິກຕັ້ງແຕ່ເດືອນພຶດສະພານີ້ ຊຶ່ງທາງຍູທູບເອງເປີດໃຫ້ບໍລິການເຊົ່າພາບຍົນຕ໌ຢ່າງງຽບໆ ໂດຍຜູ້ໃຊ້ສາມາດເຂົ້າໄປຍັງບໍລິການດັ່ງກ່າວໄດ້ທີ່ http://www.youtube.com/store
ຫາກປຽບທຽບລັກສະນະຂອງທຸລະກິດແລ້ວ YouTube ໜ້າຈະຄ້າຍກັບ Hulu ເນື່ອງຈາກທັງສອງເວັບໄຊຕ໌ໄດ້ຮັບຄວາມນິຍົມຈາກຜູ້ຄົນເທິງເນັດຢ່າງຫລວງຫລາຍ ແຕ່ຍັງບໍ່ສາມາດປ່ຽນກະແສຄວາມນິຍົມດັ່ງກ່າວໃຫ້ກາຍເປັນເມັດເງີນທີ່ຫລໍ່ລ້ຽງທຸລະກິດໄດ້ ຊຶ່ງການເປີດໃຫ້ເຊົ່າຫນັງເຕັມເລື່ອງຂອງຍູທູບເປັນອີກໜຶ່ງວິທີໃນການສ້າງລາຍໄດ້
ແຄຕະລັອກຫນັງທີ່ໃຫ້ບໍລິການຍັງບໍ່ທໍາມະດາອີກດ້ວຍ ໂດຍຫນັງທີ່ເລືອກໃຫ້ຊົມຈະຂຶ້ນຢູ່ກັບຄວາມມັກຂອງຜູ້ບະຫລິໂພກ ແຕ່ໃນຊ່ວງເລີ່ມຕົ້ນ ຫນັງທີ່ໃຫ້ບໍລິການແມ່ນຈະມີໜັງດັ່ງຢູ່ນໍາ ແຕ່ສ່ວນໃຫຍ່ຍັງຄົງເປັນໜັງອິນດີ້ ກາລ໌ຕູນ ແລະໜັງຕ່າງປະເທດ (ຈາກ Ballywood) ແລະສາລະຄະດີຕ່າງໆ ເຫດຜົນກໍເນື່ອງຈາກກູເກີ້ນຍັງບໍ່ໄດ້ເຮັດຂໍ້ຕົກລົງກັບສະຕູດິໂອຫນັງຍັກໃຫຍ່ ເຖິງວ່າຈະມີຂ່າວລືກ່ອນໜ້ານີ້ກ່ຽວກັບການເຈລະຈາກັບ Lion’s Gate, Sony ແລະ Warner Bros ອອກມາແດ່ແລ້ວກໍຕາມ ສຳລັບຄ່າບໍລິການເຊົ່າພາບຍົນຕ໌ ແລະລາຍການທີວີຂອງຍູທູບຈະເລີ່ມຕົ້ນທີ່ຕ່ຳສຸດ $0.99 ເຖິງ $4.00 ຊຳລະຄ່າບໍລິການຜ່ານ Google Checkout
Credit: Arip.co.th