ກ່ອນຫນ້ານີ້ເຮົາກໍ່ໄດ້ເວົ້າຂ່າວ ກ່ຽວກັບ Galaxy S 2 ແລະ Galaxy Tab 2 ໄປແລ້ວ, ແຕ່ລ່າສຸດມີພະນັກງານຂອງ Samsung ຫລື ພີເຊັນເຕີ ໄດ້ນຳເອົາ Galaxy S 2 ແລະ Galaxy Tab 2 ອອກມາໂຊ ກ່ອນເປີດໂຕໃນງານ WMC ທີ່ກຳລັງຈະຈັດຂຶ້ນ. ໂດຍໂຊກັນແບບຈະໆ ເຊິ່ງຫນ້າຕາ ແລະ ລາຍລະອຽດ ມີດັ່ງນີ້:

ສະເປັກຂອງ Samsung Galaxy S 2 ນັ້ນຈະໃຊ້ຫນ່ວຍປະມວນຜົນ ຫລື Cpu ເປັນ dual-core 1GHz ແລະ ຫນ້າຈໍ 4.3ນິ້ວ (ຂະຫນາດໂຕຈິງ 4.27ນິ້ວ) ເປັນຈໍ Super AMOLED WVGA, ມີຄວາມບາງທີ່ 8.49mm, ນ້ຳຫນັກ116g, ຮອງຮັບການເຊື່ອມຕໍ່ແບບໄຮ້ສາຍ HSPA+, Wi-Fi 802.11b/g/n, Bluetooth 3.0, ມາພ້ອມກັບກ້ອງ 8ລ້ານພິກເຊວ ສາມາດຖ່າຍວິດີໂອໄດ້ Full HD, ມີ gyroscope sensor, ມີສອງຂະຫນາດຄວາມຈຳໃຫ້ເລືອກຄື 16GB ແລະ 32GB.

ສ່ວນ Samsung Galaxy Tab 2 ນັ້ນຈະຈະມາກັບຫນ້າຈໍຂະຫນາດ 10.1ນິ້ວ ຄວາມລະອຽດ 1280×800, ມາກັບກ້ອງ 8ລ້ານພິກເຊວເຊັ່ນດຽວກັນ ແຕ່ຍັງບໍ່ໄດ້ລະບຸກ້ອງຫນ້າ, ມີລຳໂພງໃນໂຕ, ຈະສາມາດ ຫລິ້ນ ແລະ ບັນທຶກວິດີໂອໄດ້ແບບ Full HD ພ້ອມນັ້ນຍັງມາກັບ ລະບົບປະຕິບັດການ Android 3.0 Honeycomb.

ທີ່ມາ: Samsung Hub