ຫລ້າສຸດມີລາຍງານອອກມາວ່າຜູ້ໃຊ້ທີ່ໃຊ້ iPhone ແລະ iPod touch ທີ່ແລ່ນລະບົບປະຕິບັດການ iOS 3.1.3 ຫລື ຕ່ຳກວ່າ ຈະບໍ່ສາມາດເຂົ້າໄປດາວໂຫລດ ຫລື ຊື້ແອັບຯຕ່າງໆຜ່ານ App Store ທີ່ມີຢູ່ໃນອຸປະກອນຂອງຕົນເອງໄດ້, ນອກນັ້ນໃນລາຍງານຍັງບອກວ່າ ສິ່ງທີ່ເຮັດໄດ້ນັ້ນເປັນພຽງແຕ່ການອັບເດດແອັບຯທີ່ມີໃນອຸປະກອນຢູ່ແລ້ວເທົ່ານັ້ນ. ແຕ່ໃນກໍ່ລະນີດັ່ງກ່າວ ຜູ້ໃຊ້ຈະຍັງຄົງສາມາດຊື້ ຫລື ດາວໂຫລດແອັບຯຕ່າງໆໄດ້ ຜ່ານທາງໂປຼແກຼມ iTunes ເທິງຄອມພິວເຕີ ແລ້ວໂອນໄປຍັງ iPhone ຫລື iPod touch ໄດ້ຕາມປົກກະຕິ.

ຢ່າງໃດກໍ່ຕາມຍັງບໍ່ມີການຍືນຍັນ ຫລື ອອກມາແຈ້ງຂ່າວຈາກ Apple ວ່າໄດ້ປິດຄວາມສາມາດນີ້ໃນ iOS ເວີຊັ່ນທີ່ວ່ານີ້ຫລືບໍ່. ແຕ່ໃນລະຫວ່າງນີ້ຫາກໃຜໃຊ້ງານ iPod touch ຫລື iPhone ທີ່ຍັງໃຊ້ iOS ເວີຊັ່ນທີ່ວ່ານີ້ຢູ່ກໍ່ຄວນອັບເດດເປັນເວີຊັ່ນໃຫມ່ ຫາກເປັນໄປໄດ້.

ອັບເດດ: Apple ໄດ້ແກ້ໄຂບັນຫາດັ່ງກ່າວແລ້ວ, ແລະ  iPhone ແລະ iPod touch ທີ່ໃຊ້ລະບົບປະຕິບັດການ iOS 3.1.3 ຫລືຕ່ຳກວ່າ ກໍ່ຍັງສາມາດດາວໂຫລດ ແລະ ຊື້ແອັບຯໄດ້ໂດຍປົກກະຕິ.

ທີ່ມາ -​ Engadget