ໃນງານ CES 2012 ທາງ Lenovo ກໍ່ບໍ່ນ້ອຍຫນ້າ, ເປີດໂຕແທັບເລັດລຸ້ນປະສົມຂອງຕົນເອງ ທີ່ມີຊື່ລຸ້ນວ່າ  IdeaTab S20 10″, ເຊິ່ງໃນ  IdeaTab S20 10″ ຈະມີຫນ້າຕາຂະຫນາດ 10ນິ້ວ ຕາມຊື່ຂອງລຸ້ນ ທີ່ມີຄວາມລະອຽດ 1,280 x 800 ແລະເປັນຈໍ LED-backlit IPS ແລະ ມີຄວາມບາງບໍ່ແພ້ Samsung Galaxy Tab 10.1 ຫລື Asus Transformer Prime ເລີຍ. ໃນສ່ວນຂອງ CPU ຈະເປັນ Snapdragon  Dual-core ຄວາມໄວ 1.5GHz, ມີ Ram ຂະຫນາດ 1GB, ຮອງຮັບ 3G ພ້ອມກັບຮອງຮັບການໂທເຂົ້າ-ໂທອອກດ້ວຍ, ຫນ່ວຍຄວາມຈຳໃນເຄື່ອງ 64GB, ສາມາດໃຊ້ງານຕໍ່ເນື່ອງໄດ້ເຖິງ 9ຊົ່ວໂມງ, ມີກ້ອງຫນ້າ 1.3ລ້ານພິກເຊວ, ກ້ອງຫລັງ 5ລ້ານພິກເຊວ, Micro HDMI  ແລະ ທີ່ສຳຄັນຍັງມີແປ້ນພິມທີ່ເປັນດ໊ອກຕໍ່ພາຍນອກ ເພຶ່ອປ່ຽນໃຫ້ເປັນແລັບທັອບອີກດ້ວຍ.

ຢ່າງໃດກໍ່ຕາມທາງ Lenovo ຍັງບໍ່ທັນໄດ້ຍືນຍັນ ຫລື ປະການກຳນົດວາງຂາຍຂອງແທັບເລັດລຸ້ນນີ້, ທາງເວັບຈະພະຍາຍາມຕິດຕາມ ແລະ ນຳມາບອກ ຫາກມີການປະກາດວາງຂາຍ.

ທີ່ມາ – Engadget