ລາຍງານຂ່າວຫລ້າສຸດ Apple ໄດ້ປະກາດຂະຫຍາຍກິດຈະການ App Store ຂອງຕົນເອງເພີ່ມຂຶ້ນອີກ 32 ປະເທດ. ແຕ່ທີ່ຫນ້າຕື່ນເຕັ້ນ ແລະ ຫນ້າປະທັບໃຈກໍ່ຄື ຫນຶ່ງໃນ 32 ປະເທດນັ້ນ ລວມມີປະເທດລາວຂອງພວກເຮົາຢູ່ນຳ. ສະນັ້ນແລ້ວ ຜູ້ໃຊ້ສິນຄ້າຂອງ Apple ຈຶ່ງບໍ່ຈຳເປັນຕ້ອງກັງວົນໃນເລືອງຂອງການຊື້ແອັບຯ ຫລື ລວມໄປເຖິງການສະຫມັກ Apple ID ອີກຕໍ່ໄປ.

ຢ່າງໃດກໍ່ຕາມ, ໃນປະຈຸບັນ App Store ໄດ້ມີການດຳເນີນກິດຈະການກັບ 155 ປະເທດທົ່ວໂລກ ແລະ ການຂະຫຍາຍກິດຈະການເຂົ້າໄປຍັງປະເທດລາວນັ້ນ ກໍ່ຖືວ່າເປັນສັນຍານອັນທີ່ດີສົມຄວນ ແລະ ນັ້ນອາດຈະນຳໄປສູ່ການເພີ່ມແປ້ນພິມພາສາລາວ ເຂົ້າໄປໃນລະບົບ iOS ໃນອານາຄົດອັນໃກ້ນີ້.

ທີ່ມາ – Macrumors