ໂປຼເຈັກໃຫມ່ ສື່ສານໄຮ້ສາຍດ້ວຍເເສງ LED ເເທນ Wi-Fi
LED ຫລອດແສງມະຫັດສະຈັນ ໃນຂະນະທີຫລາຍຄົນກຳລັງເວົ້າເຖິງປະສິດທິພາບໃນການໃຫ້ແສງທີ່ສະຫວ່າງຫລາຍ ແຕ່ໃຊ້ພະລັງງານຫນ້ອຍດຽວ ກອງບັນນາທິການຈຳໄດ້ວ່າ LED ບໍ່ໄດ້ຕອບໂຈດເລື່ອງແສງສະຫວ່າງຢ່າງດຽວ ແຕ່ມັນຍັງສາມາດໃຊ້ໃນການສື່ສານຂໍ້ມູນໃນລະບົບໄຮ້ສາຍແທນ Wi-Fi ໄດ້ອີກດ້ວຍ
ຝ່າຍວິໄຈຂອງ Boston University ໄດ້ພັດທະນາເທກໂນໂລຍີເຄືອຂ່າຍໄຮ້ສາຍແບບໃໝ່ ໂດຍໃຊ້ຄື້ນແສງຈາກ LED ແທນຄື້ນວິທະຍຸ (Wi-Fi) ຊຶ່ງໂຄງການດັ່ງກ່າວໃຊ້ເມັດເງີນສະໜັບສະໜູນເຖິງ 18.5 ລ້ານຫລຽນຯ ເລີຍທີດຽວ ທັງນີ້ ນັກວິໄຈຄາດວ່າ ຈະສາມາດໃຊ້ແສງສະຫວ່າງຈາກ LED ທີ່ໃຊ້ພະລັງງານຕ່ຳເປັນຊ່ອງທາງການສື່ສານໄຮ້ສາຍດ້ວຍອັດຕາໄວໃນການສົ່ງຖ່າຍຂໍ້ມູນຕັ້ງແຕ່ 1 – 10Mbps ໂດຍທີມງານເອີ້ນເຄືອຂ່າຍໄຮ້ສາຍແຕ່ບໍ່ໄຮ້ແສງນີ້ວ່າ ເຄືອຂ່າຍແສງອັດສະລິຍະ “Smart Lighting network” ທີ່ນອກຈາກຈະປະຫຍັດໄຟແລ້ວ ຍັງປອດໄພກວ່າເທກໂນໂລຍີທີ່ໃຊ້ຄື້ນວິທະຍຸ (RF) ທີ່ໃຊ້ໃນປະຈຸບັນອີກດ້ວຍ
“ລອງນຶກພາບເບິງວ່າ ຫາກຄອມພິວເຕີ ໄອໂຟນ ທໍລະທັດ ວິທະຍຸ ແລະໂຕຕັດໄຟ ສາມາດສື່ສານການເຮັດວຽກຮ່ວມກັນໄດ້ທັນທີທີ່ເຈົ້າຍ່າງເຂົ້າໄປມາໃນຫ້ອງ ແລ້ວເປີດສະຫວິດຊ໌ໄຟ LED ທີ່ໃຫ້ແສງສະຫວ່າງເທົ່ານັ້ນ” Thomas Little ສາດຊະດາຈານໃນມະຫາວິທະຍາໄລບອດຕັນ ກ່າວ “ເຄືອຂ່າຍທີ່ສື່ສານດ້ວຍແສງ LED ນອກຈາກໃຫ້ປະໂຫຍດໃນເລື່ອງຂອງການສືສານຂໍ້ມູນແລ້ວ ມັນຍັງໃຫ້ແສງສະຫວ່າງກັບຜູ້ໃຊ້ອີກດ້ວຍ ພະລັງງານທີ່ໃຊ້ກໍຕ່ຳ ແຖມຍັງມີຄວາມສະຖຽນສູງ ປອດໄພກວ່າ ບໍ່ມີຄື້ນແມ່ເຫລັກໄຟຟ້າລົບກວນ ຍິ່ງໄປກວ່ານັ້ນ ມັນຍັງສາມາດຕິດຕັ້ງແທນຫລອດໄຟທີ່ໃຊ້ຢູ່ເດີມໄດ້ອີກດ້ວຍ”
ຄວາມ ລັບຂອງຫລອດ LED ແບບໃໝ່ທີໃຊ້ສື່ສານໄຮ້ສາຍກໍຄື ອັດຕາໄວໃນການກະພິບທີ່ໄວຫລາຍກວ່າທີ່ສາຍຕາມະນຸດຈະຮູ້ສຶກໄດ້ ຊຶ່ງການເປີດປິດຂອງ LED ຈະແທນຂໍ້ມູນດິຈິຕອນ (1 ແລະ 0) ທີ່ກວດຈັບໂດຍພາກຮັບພິເສດທີ່ຕິດຕັ້ງເທິງອຸປະກອນຕ່າງໆ ເພື່ອແປງອັດຕາໄວຂອງການກະພິບແສງເປັນຂໍ້ມູນ ແລະເນື່ອງຈາກແສງສະຫວ່າງສາມາດທະລຸກຳແພງໄດ້ຄືກັບຄື້ນວິທະຍຸ ດັ່ງນັ້ນມັນຈຶ່ງມີຄວາມປອດໄພຫລາຍກວ່າເຄືອຂ່າຍໄຮ້ສາຍແບບ Wi-Fi ວ່າແຕ່ເມື່ອໃດຈະໄດ້ໃຊ້ກໍບໍ່ຮູ້ຄືກັນ ເພາະ Smart Light Research Centre ວາງແຜນພັດທະນາເທກໂນໂລຍີແສງອັດສະລິຍະ (ໃຊ້ສື່ສານຂໍ້ມູນໄດ້) ພາຍໃນ 10 ປີ
ຂໍ້ມູນຈາກ: Smart Light Research Centre
Credit: Arip.co.th